Accessibility links

пәнҗешәмбе, 8 декабрь 2016, Казан вакыты 21:12

►Altın - cirdä, ciz diwarda nişli? ►Kazan-2013: tatarlar sınaw aldında ►Altın - cirdä, ciz diwarda nişli? ►Qazanda kibernetika: teoriadä häm ğämäldä

--------------------------------------------------------------------------------------------

►Kazan-2013: tatarlar sınaw aldında

Tönge Qazan
2013 yılda Bötendönya studentlarınıñ sport bäygese Qazanda cıyılu turında xäbär ber mizgeldä törle illärgä taraldı.

Ämma törle töbäk, törle qatlam wäkilläre älege xäbärne üzlärençä añlıylar. Qazannıñ Universiada ütkärergä däğwä itüçelär bäygesendä ciñep çığuı küplärdä ğorurlıq xise uyatsa da, tatar cämäğätçelegendä bu ğämälgä şiklänep yäisä eşneñ närsädä ikänen añlamıyça, qawşap qaluçılar da bar.

Şulay itep, www.azatliq.org säxifäsendä Kazan-2013 proektın bergäläp alıp barırğa çaqırabız!

Möhim häm qızıqlı räsemnär, ideyälär, elektron poçta, ğädi xat häm mobil telefon aşa Prağadağı baş redaksiagä yäki Azatlıqnıñ Qazandağı studiasenä cibärelsen ide. Universiada häm milli yäşäyeşkä täesire turında fiker alışuda härkem qatnaşa ala. 5 yıldan soñ böten cir şarı yäşläre tatar xalqınıñ ruxi üzäge bulğan Qazanğa cıyılaçaq. Bu tarixi waqıyğağa äzerlek bügennän ük başlana. Milli jurnalistlar, milli cämäğätçelek tä zur sınaw aldında tora. Beleşep, kiñäşep torıyq, iñ möhim temalarnı urtağa salıp söyläşik. Max birep torır çaq tügel!


--------------------------------------------------------------------------------------------

►Altın - cirdä, ciz diwarda nişli?

Çerek küldä tatar yazuçısı häm mäğrifätçesenä dä istälek taqtası qabat açıldı.

Qazanda taqtalar urlana da qabat açıla. Çerek küldä tatar yazuçısı häm mäğrifätçesenä dä istälek taqtası qabat açıldı.

Repressia qorbanı Ğömär Ğäligä 2006 yılda eçke eşlär ministrlığı häm elekkege KGB qarşında uq açılğan taqta ber yıldan soñ yuqqa çıqqan bulğan. Baqsañ, ciz dä altın kebek cirdä dä yatmıy, diwarda da tormıy di.


Xalıqara säyäxät awılı “Fänsar Bäräkät” cire Tatarstan arbitraj mäxkämäsendä qarala başladı. 3 yündä berençel tıñlawlar buldı.

Tatarstan räsmiläre 2013 yılda bulaçaq Universiada öçen sport sarayları salğanda häm Qazanda Atletik awıl tözegändä moña qädär bulğan yortlar sütelmäyääçäk dip belderä. Bu xaqta sişämbe könne Tatarstannıñ yäşlär eşläre, sport häm turistlıq ministrı Marat Bariev äytte. Türälärneñ tel töbennän añlaşılğança, yañalarnı buldıruğa böten köç quyılaçaq.

Tatarstan arbitraj mäxkämäsendä kiläse utırış 3 yülgä bilgelände.

--------------------------------------------------------------------------------------------

►Qazanda kibernetika: teoriadä häm ğämäldä

Qämil häm Ravil Hadievlar - näselle kibernetiklar.
Bu könnärdä Qazanda “Teoriadäge kibernetika problemaları” atlı xalıqara fänni cıyılış bara. Ul beroçtan Qazan däwlät universitetı, Mäğlümatlaştıru fänni-tikşerenü institutı, Qazan texnika universitetı binalarında da uza. Şulay itterep Qazandağı kibernetiklar da şul fän yortlarında cirläşep eşli. Tik alar asılda teoriadäge ğälimnär. Ä menä kibernetika fäne ğämäldä isä qıyınlıqlar kiçerä.
kazan
Mäğlümatlaştıru fänni-tikşerenü institutı direktorı Mansur Ablayıv isä teoriadän ğämälgä küçü bar di. “Qazanda ICL (elekkege elektron xisaplaw maşinası zavodı) proektları bar. Şulay uq üzebezgä xas bulğan programma produqtların da yasıybız. Xäzer inde İnternet ta bik alğa kitte. Bezneñ belgeçlär eşsez dä, zaqazsız da utırmıy. Bez xalıqnı, sänäğätne mäğlümatlaştıru eşenä yaqınaytabız”, - di ul.

XS
SM
MD
LG