Accessibility links

сишәмбе, 6 декабрь 2016, Казан вакыты 17:10

►Qazanda Mäskäw kommunistların kötälär ►Ekologlar Qazandağı küllär öçen borçıla ►Qartlar balaları yanına qaytarırğa telämi ►Qol Şärif mäçeteneñ keçe tuğanı yazmışı

--------------------------------------------------------------------------------------------

►Qazanda Mäskäw kommunistların kötälär


Yaqın könnärdä Tatarstanğa Däwlät dumasındağı kommunist deputatları kiläçäk. Alar Tatarstan bülegen tikşerergä kilä, dielä. Ämma Tatarstan kommunistları citäkçese Xafiz Mirğälimov monı kire qağa.

“Nezavisimäya gazeta” kommunistlar firqäseneñ Tatarstan komitetında qarşılıqlar tuğan, partiadän kitüçelär kübäygän dip yaza. Häm şul säbäple, Rusiä kommunistlar firkäse citäkçese mäsäläne xäl itü öçen deputatlar cibärergä bulğan dielä. Ayırım alğanda, Qazanda süz respublika komitetın yabu turında baraçaq ikän.


--------------------------------------------------------------------------------------------

►Ekologlar Qazandağı küllär öçen borçıla

Qaban küle
5 yün dönyaqüläm äylänä-tirä moxitnı saqlaw köne. Qazandağı qayber küllärneñ yazmışı qıl oçında.

Qazan däwlät universitetınıñ geografia häm ekologia faqültetı studentları häm xezmätkärläre Qazandağı sulıqlarnıñ yazmışına borçıla. Çärşämbe könne alar başqalanıñ Mäskäw rayonındağı enerğouniwersitet qarşında bulğan sulıq- keçkenä külne çistartırğa çıqtı.

Sulıqlarğa kilgändä, ere şirkätlär genä tügel, ä ğädi xalıqnıñ küpçelege alarnıñ yazmışına bitaraf. Bu könnärdä Qazan qunaqları da, şähärdä yäşäwçelär dä Kamal teatrı yanındağı bieklege 30 metr bulğan Qaban külendäge fontanğa manzara qılırğa kilä. Qaban küleneñ keçe fontannar atqan beton küperennän asqa qarasañ, xäyran ğına taşlandıq çüp: plastik şeşälär, kipterelgän bäräñge, yäğni çipsı häm başqa rizıq qäğäzläre kürergä bula. Menä nihäyät, bu fontannar yanına milisia xezmätkärläreneñ saq urını quyıldı. Bälki, Qabannı pıçratuçılar kimer…

--------------------------------------------------------------------------------------------

►Qartlar balaları yanına qaytarırğa telämi


Rusiä prezidentı Uqazı buyınça 2001nçe yıldan başlap 8nçe yün könne sotsiaäl xezmätkärlär hönäri bäyräm uñayınnan Çallı sosial' yaqlaw şurası matbuğat konferensiase ütkärde. Anda psixik awırular dispanserına, kartalr yortında häm sosial' yärdämgä moxtaclarnı sanı artuı xaqında da äytelde.

Yartı million xalqı bulğan Çallıda bügen 146 meñ keşe däwlät tarafınnan nindi dä bulsa sosial' yärdäm ala. Alar arasında pensionerlar, inwalidlar, moxtaclılar bar. Şähärneñ sosial' yaqlaw idaräse başlığı urınbasarı Belova bu uñaydan şunı assızıqlıy, däwlättän sosial' yärdäm aluçılar arasında iñ kübe 25 yäştän 35 yäşkä qädärge keşelär. Alarnıñ sanı 85 meñgä yaqın. Belova süzlärençä, Çallıda berençe sosial' uçrejdenie yägni, qartlar yortı SSSR tarqalğaç, 1993nçe yılda açıla. Annan soñ tağın törle yünäleştegä 7 sosial' uçrejdeniä buldırıla. Tatarstanda alarnıñ ğömümi sanı 159. Anda möräcäğät itüçelär sanı arta bara ikän. Çallıdağı qartlar yortında xäzer 62 keşe yäşi. Çiratqa basuçılar tağın da kübräk. Menä şul qartlar yortında yäşäwçelärneñ yartısınıñ balaları isän-saw.

--------------------------------------------------------------------------------------------

►Qol Şärif mäçeteneñ keçe tuğanı yazmışı

Çallıda Qol Şärif mäçeteneñ keçe variant yazmışı
1995nçe yıllarda Çallınıñ xäkimiät binası yanındağı “Azatlıq” mäydanında Qol Şärif mäçeteneñ keçkenä küçermäse quyıla. Yaña yıl kebek zur bäyrämnär waqıtında mäçet küçermäse araqı eçü, bädräf urınına äylänä. Qol Şärif isemen şuşı räweşle mısqıllawğa 2000 yılda Çallığa V. Putinnıñ kilü xäbäre çik quya. Mäydanda torğan mäçet küçermäsen nindider şiklänü arqasında maşinağa töyäp şähär çitenä iltep taşlıylar. Bu küreneşkä canı ärnegän suğış veteranı Misbax Ğıymaletdinov 2 yıl buyına kügärep, çerep yatqan timer qorılmanı üze yäşägän urınğa, Çallınıñ 38nçe bistäsenä qaytara. Anı üz aqçasına çistartıp, buyap utırtıp quya. Anı 1552nçe yılda Qazannı saqlap şähit kitüçelär istälege mäçete dip iglan itä. Qayberäwlär bu mäçetne dönyada iñ keçkenä mäçet dip, “Ginnes”nıñ rekordlar kitabına kertergä täqdim itä. Läkin Çallı möxtäsibäte, qayber imamnar moña qarşı çığa. Bu- din yortı taläplärenä cawap birmi, dilär. Xäzer inde Qol Şärif mäçeteneñ keçe tuğanın Misbax babay muzey itep üzgärtergä kereşte.
XS
SM
MD
LG