Accessibility links

пәнҗешәмбе, 8 декабрь 2016, Казан вакыты 03:16

►Qanunıy bulmağan migrantlar küp ►İdel buyı “ilham çişmäläre” Alabuğada ►İctimağıy üzäk milli komponentnı yaqlawın däwam itä ►Sabantuy batırına salım salmaqçılar ►Georgiy Rapota Qazanda

--------------------------------------------------------------------------------------------

►Qanunıy bulmağan migrantlar küp


Tatarstanda şirkät başlıqları 60 meñ keşene çittän çaqırıp eşlätü teläge belän çıqqan. Ämma, çaqırılğannarnıñ barı tik 8 meñe genä üzläreneñ Tatarstanda buluın räsmiläşterä alğan.

İnde bilgele bulğança, Tatarstanğa eşkä kilüçelär sanı yıldan-yıl arta bara. Uzğan yılnıñ 5 ayı belän çığşıtırğan waqıtta kilüçelär 27 prosentqa kübäygän. Bu isä üz çiratında ber qoçaq problema tudırğan.

Migrantlarğa xalıq arasında törle qaraş. “Ürçedelär, änä üzebezdä küpme keşe eş taba almıyça yöri”,- digän süzlärne dä işetergä turı kilä.

Qayber eşmäkärlärgä Tatarstannan eşçelär cälep itügä qarağanda, çittän kilgännärne “cigü” küpkä faydalı. Leğäl bulmasa bigräk tä yaxşı. Sosial' tüläwlärgä dä çığımnar kiräkmi, däwlätkä salım da tülise yuq. Aqça äz tüliseñ dip awız aça başlasa, milisiagä tapşıram, alar sine tiz öyeñä ozatır dip qurqıtıp ta bula. Şuña kürä, Tatarstanda eşlim dip kilgän häm Mäskäwdän birelgän kvotağa eläkmägännär “niçaradan biçara” bulıp qanunıy bulmağan yul belän eşlärgä dä riza.

-------------------------------------------------------------------------------------------

►İdel buyı “ilham çişmäläre” Alabuğada

Rusiä jurnalistlar berlege särqätibe Natalyä Skvorsova Tübän Novğorodtan kilgän.


Tatarstan -- Nataliya Skvortsova
Et-tatar” süzen qullanğan Swetayıwa yatıp qalğan Alabuğada icat keşeläre tuplana. Millätara añlaşu yulın ezlär öçen.

Bu atnada yal könnärendä Alabuğa şähärendä İdel buyı oqruğı Tatarstan xökümäte belän bergä «Povoljye – rodniki vdoxnoveniä” (“İdel buyı – ilham çişmäläre”) atlı forum yasıy. Şul forumın reklamlar öçen Qazanğa Tübän Novğorodtan İdel buyı federal' okruğı wäkilläre kilde.

Alabuğada uzaçaq forumda rässamnar, şağıyrlär, matbuğat ähelläre üzara icadi ilham alışaçaq. Şulay uq alar Alabuğada urıs rässamı Şişkin, ofitsäre Durova, urıs şağıyräse Svetayıva xätiräsen dä yañartaçaqlar. Soñğısı alar öçen ayıruça qäderleme? Bişek şiğerendä “et-tatar” süzen qullanğan. Şul uq şiğerendä ul tatar kebek ük yawız sürätlänüçe “käkre ayaqlı xun”, “pan Gitler” turında da yazğan.

--------------------------------------------------------------------------------------------

İctimağıy üzäk milli komponentnı yaqlawın däwam itä

Qazanda 4yündä Marat Möleqov isemendäge Bötentatar ictimağıy üzäge konferensia ütkärde. Anda Tatarstannıñ törle töbäklärennän kilgän TİÜ citäkçeläre, ğälimnär cıyılğan ide. TİÜ räise Yunıs Kamaletdinov cıyınnıñ maqsatı Rusiä mäğärif qanunınnan milli komponentnı töşerep qaldıruğa köräş yulların ezlärgä, kiñäşläşergä cıyıluları turında belderde.

Rusiä Dumasında qabul itelgän 309nçı qanunnı döres tügellegen dälilläw yulların ezlärgä, mäxkämägä birergä, ğömümän, 1 sentäbergä qädär bu qanunnı ğämälgä kertmäw yulların tabırğa, aña qarşı köräş cäyelderergä digän fikerlär yañğıradı. Zäki Zäynullin mäktäplärdä, rayonnarda uqıtuçılardan, cämäğätçelek tarafınnan komitetlar tözergä täqdim yasadı:


--------------------------------------------------------------------------------------------

Sabantuy batırına salım salmaqçılar

7-8 yündä Tatarstannıñ rayon-awılları Sabantuy ütkärergä äzerlänä. Cırçılar 15 meñlek bäyä quya, däwlät bulaçaq batırlardan salım tülätmäkçe.

Aqtanış rayonında citkäçlek Sabantuyda sport uyınnarına iğtibar birergä quşqan. Bu xaqta Almaz Nurlıyıv bolay añlattı:

Bu xäbärne äzerlägändä “Veçernäya Qäzän” 4 yün sanında şundıy mäğlümat birde. Bıyıldan xalıq Sabantuyda 4 meñnän qıymmäträk büläk alsa, şunıñ ğömümi bäyäseneneñ 13 % däwlätkä salım itep tülärgä tieş bula. Bu färman berençe çiratta Sabantuy batırlarına qağıla ikän.

--------------------------------------------------------------------------------------------

Georgiy Rapota Qazanda

Pänceşämbe Rusiä prezidentınıñ İdel buyı federal' bülgesendä wäqälätle wäkile Georgiy Rapota räsmi säfäre belän Qazanğa kilde

. “Qazan” hawa alanında anı Tatarstan prezidentı Miñtimer Şäymiev qarşı aldı. Säfärneñ berençe könendä ul Qazannıñ yuğarı däräcädä aşığıç medisina yärdämen kürsätüçe belgeçlär äzerläwçe “Yuğarı texnologialär medisina belem birü üzägendä” bulğan. Georgiy Rapotanıñ Qazanğa säfäre 2 kön däwam itäçäk. Bu waqıt öçendä ul respublika citäkçelege belän oçraşıp törle cıyılışlar ütkärer dip kötelä.
XS
SM
MD
LG