Accessibility links

шимбә, 3 декабрь 2016, Казан вакыты 12:46

Avstriä häm Şveytsariädä barğan Yewropa berençelegendä Rusiä danın tatar yegete Diniyar Bilaletdinov yaqlıy.

Avstriä häm Şveytsariäneñ futbol mäydannarında barğan Yewropa berençelegen bu könnärdä millionlağan tamaşaçı küzätä. Bäygedä 16 il qatnaşa. D törkemendä uynağan Rusiä taqımı sişämbedä İspaniägä qarşı berençe uyının uynıy. Rusiä cıyılması saflarında tatar yegete Diniyar Bilaletdinov ta uynar dip kötelä.

Diniyar 2004 yılda Rusiäneñ iñ yaxşı yäş futbolçısı isemenä layıq bulğan ide. Bügen ul Rusiä futbolında iñ osta yarımsaqçılarnıñ berse sanala. Nî barı 23 yäştä buluğa qaramastan, ul Mäskäwneñ Lokomotiv taqmında kapitan wazıyfasın başqara.

Dinyar 1985 yılnıñ 27 fevralendä Mäskäwdä tuğan. Änise Adeliä Äbdeläxmät qızı. Ätise Rinat Säyär ulı üze dä futbolçı, xäzer trener bulıp eşli. Diniyarnıñ tağın Marat isemle abıysı häm Danil isemle enese bar. 90-nçı yıllarda ätiläre Çexiäneñ ber klubında uynağanda Marat belän Diniyar futbol mäktäbenä yörgän arada çex telen dä üzläşterep ölgergän.

XS
SM
MD
LG