Accessibility links

якшәмбе, 11 декабрь 2016, Казан вакыты 13:05

►Rusiä könendä tatarnı kimsetü ►Tatarnı kimsetkän kitap mäxkämädä ►Artistlar Sabantuyında batırğa - maşina ►Möselman advokatı mullanı yaqlıy




--------------------------------------------------------------------------------------------

►Rusiä könendä tatarnı kimsetü

Fiker beleşülärgä qarağanda, rusiälelärneñ kübese 12 yünne milli berdämlek köne dip sanıy. Räsmilär isä bu könne ilneñ ikençe zur milläte bulğan tatarğa üzençälekle "büläk" äzerläde.

12 yün – Rusiä könendä ilneñ prezidentı ğädättägeçä Kremldä däwlät büläklären öläşte. Bıyıl bu yuğarı büläkkä layıq buluçılar arasında "Kolikovo qırı" muzey-tıyulığı xezmätkärläre dä bar.

Dmitriy Medwedev imzalağan qararda äytelgänçä, büläk "watan tarixınıñ iñ ähämiätle waqıyğaların icadi çağıldırğan öçen, tarixi-mädäni häm tabiğıy mirasnı saqlağan öçen häm dä rusiälelärneñ patriotik tärbiäsenä öleş kertkän öçen" birelgän.

Çärşämbedä Rusiä patriotlarınıñ Mäskäwdä ütkän Bötenrusiä kiñäşmäsendä Rusiä könen 12 yündä tügel, ä 21 sentäbrdä ütkärergä çaqırğan belderü qabul itelde.

Belderüdä äytelgänçä, bu könne kenäz Dmitriy Donsqoy köçläre Kolikovo qırında ciñgän, häm 1862 yılda näq şul könne Novğorodta Rusiäneñ 1000 yıllığına bağışlanğan tantanalar ütkän. 3 könlek ul tantanalarda patşa Aleksandr II ğailäse dä qatnaşqan, dielä.

Patriotlarnıñ bu belderüenä älegä räsmi cawap yuq.

--------------------------------------------------------------------------------------------

Tatarnı kimsetkän kitap mäxkämädä

Däreslekneñ 89nçı bitendäge räsem
Rusiä mäxkämälärendä qarala torğan tarix kitabındağı räsem atom bombasına tiñ dip sanıy şikayät birüçeneñ berse Mönir Sitdiqov.

Süz “Watan tarixı” kitabı xaqında bara, yäğni anda tatarlarnıñ keşe aşawçı itep sürätlänüe turında. Bu räsem automat-pulemyotlardan da köçle, dip isäpli şikayät birüçe. 10 yün könne Mäskäw şähär mäxkämäse näticäse bilgele bulğaç, “Azatlıq” xäbärçese Mönir Sitdiqov belän oçraştı. Sitdiqov süzne üzläreneñ Mäskäwdäge wäkile Minaçyov belän bulğan söyläşüdän başladı:

Çallı şikayätçeläreneñ Mäskäwdäge wäkile Möxämmäd Minaçyov “Watan tarixı” däreslegen tıyılğan kitaplar isemlegenä kertüne taläp itep, Mäskäw prokuraturasına möräcäğät itkän bulğan. İnde xäbär itelgänçä taläp kire qağıla. Rusiä Yuğarı mäxkämäse älege eştä soñğı basqıç bulıp tora.


--------------------------------------------------------------------------------------------

Artistlar Sabantuyında batırğa - maşina


12 yündä Tatarstannıñ barlıq teatrları da üzläreneñ Sabantuyına cıyıldı.
Bäyräm Saba töbägendäge Lesxoz awılı yanındağı tabiğät qoçağında uzdı. Böten yarışlarda da aktiv qatnaşqan teatr kollektivı älege üzençälekle Sabantuy tarixında berençe tapqır 500 meñ sum aqça belän büläklände. Bu priz Qazan başlığı İlsur Metşin qararı belän birelde. Sabantuy batırı, yäğni absolut batır - “Äkiät” qurçaq teatrı artistı Yüriy Çuqkiev bäyrämnän Tatarstan xökümäte birgän maşina belän qaytıp kitte. Artist-batırğa maşina birü ğädäte uzğan yıl kertelgän ide.


Malıy teatrnıñ sänğät citäkçese Yüriy SolominTeatrlarnıñ üzläreneñ Sabantuyın ütkärü teläge monnan 4 yıl elek tatar teatrınıñ 100 yıllığına äzerlek qısalarında kilep tudı. “Xäzer anı tuqtatıp ta bulmıy. Bu teatr Sabantuyına qızıqsınu bik zur. Respublikadan sänğät söyüçelär bik küp kilä. Bu çara respublikada zur popularlıq qazandı”, di Sabantuynı oyıştırunıñ başında torğan Kamal teatrı mödire Şamil Zaqirov. Bu teatrallar bäyrämendä Mäskäwneñ Malıy teatr wäkilläre dä qatnaştı.




--------------------------------------------------------------------------------------------

Möselman advokatı mullanı yaqlıy

Bilgele “möselman advokatı” Röstäm Wäliullin dini kitalarnı tıyuğa, Räfis Qaşapovnı ezärlekläwlärgä qarşı eşli

“Dini advokat” Röstäm Wäliullin adaşı Safinğa yärdämgä kilep kitte. Alarğa Waxitov rayonı mäxkämäse tiskäre cawap birde.

Q
azanğa İjevskidan bilgele “möselman advokatı” Röstäm Wäliullin "İxlas" mäçete mullası Röstäm xäzrät Safinğa yärdäm itär öçen kilep kitte. Waxitov rayonı mäxkämäse alar ğärizasına tiskäre cawap birde.


Mäxkämägä İxlas mäxälläsennän Älfiä Äbrarova da kilgän ide. Ul: “Bez anı naxaqqa ğäyeplilär dip sanıybız. Şuña kürä, Röstäm xäzrät öçen köräşne tuqtatmayaçaqbız”, dide.

Ä quät orğannarı isä Röstäm xäzrät Safinnı “Xizbut-Taxrir” dip ataluçı Rusiädä tıyılğan oyışmağa mönäsäbättä ğäyepli. 2007 yılnıñ ğıynwarında açılğan aldan-ala tikşerenü barışında, 2004 – 2006 yıl aralığında Röstäm Safin Qazanda «Xizbut-Taxrir äl-Islami» yäşäyeşe yäki üseşe öçen üz aqılı belän mömkinleklär yasağan, dip tabılğan. Anıñ eşçänlegendä ç.1 RF CK 282-2 m. 1 ö. qarağan cinayät bilgeläre bar, dip uylanıla. Eşen FSBdan tikşerüçe Röstäm Şaqurov alıp bara.
XS
SM
MD
LG