Accessibility links

шимбә, 10 декабрь 2016, Казан вакыты 19:31

NATO saqlanu ministrlarınıñ Brusseldä bulğan oçraşuının ikençe könendä, kön üzäk tema Rusiä belän Ukraina. Berläşmäneñ Kosovodağı yaña saqlaw köçlären künekterü planının qabul itelüennän soñ, NATO belän ike ilneñ saqlanu ministrları arasında söyläşülär buldı.

NATO General sekretarı- Jaap de Hoop Scheffer

NATO General sekretarı, Rusia saqlanu ministrı Anatoli Serdukov belän söyläşülär başlar aldınnan yasağan çığışında, Rusiä belän bulğan xezmättäşlekne uñay bäyäläde.

NATO utırışınıñ açılış çığışında Jaap de Hoop Scheffer, Rusiänen Äfğanstanğa yärdämnärne citkerüdä niçek aradaşçılıq itüe xaqında söyläde.

Läkin Scheffer, bu xezmättäşlektän qala äle alda başqarırlıq eşlär küp dide. Mäsälälärgä qarata ayırım fikerläw näticäsendä çişelmi qalğan problemnärgä basım yasap Sceheffer, bolay söyläde:

"Bez şulay uq xalıqara iminlek mäsäläse kebek bigräk tä ike arada qarşılıq tudırğan bäxäslärne urtaq mänfäğattän çığıp bergä söyläşü belän urtaq yul tabarbız dip ömetläbez. Bäxäslär buluına qaramastan, äle bez bügen menä ber östäldä utırıp söyläşäbez. NATO-Rusiä söyläşüläre bik möhim çönki monda bik çeterekle mäsälälärne diolog aşa xäl iteläçägenä ışanam"

Qarşılıqlar digändä iñ başta, AQŞnıñ könçığış yewropada saqlanu raketalarıñ urnaştıru planı tora.

Waşinton yağı saqlanu radarların Polşa häm Çäxiaga urnaştıru öçen söyläşülären däwam itä.

NATO isä Amerikanıñ bu qararına qarşı tügel läkin Rusiä, monıñ turıdan turı üz ile iminlegenä yanayaçağın alğa sörep bu planğa qatğıy qarşı çığa.

Rusiädä april ayında bulğan Kosovo bäysezlegenä qarşı bulğan çaradan küreneş
Monnan qala Kosovo mäsäläsendä dä qarşılıqlar bar.

Kiçä NATO illäre yaña bäysezlek alğan Kosovoda, ciñel qorallı saqlanu köçlärenä künegülär ütkärü taqdimen xupladı.

Bu kileşü, yäkşämbe könne Kosovoda ilneñ üz konstitusiäse ğamälgä kerer aldınnan raslandı.

BMO Kosovodağı iminlek saqlaw wazifasının ber öleşeñ Yewropa Berlegenä qaldırırğa cıyına.


Kosovo bäysezlegen qabul itmägän Rusiä, BMOnın Kosovodagı tınıçlıq saqlaw köçläre başlığın, urınınnan kitärgä çaqırğan ide.

Şulay uq, Rusiä belän NATO arasında oyışmanıñ könçığışqa taba kiñäyüe mäsäläsendä dä qarşılıqlar bar.

NATO april ayında Ukraina belän Gruziäne turıdan qısqa waqıt eçendä äğzälekkä qabul itü mäsäläsen tuqtatıp turırğa qabul itkän ide. Läkin bu ike il, kiläçäktä motlaq NATOğa quşılaçaq dip belderde.

Rusiäneñ yaña prezidentı Dimitri Medvedev, uzğan atna NATOnıñ könçığışqa taba kiñäyüe, berlek belän Rusiä arasındağı yıllardan birle däwam itkän mönasäbätlärgä naçar yoğıntı yasıy alaçağı turında kisätkän ide.

Ukraina isä Rusiäne tınıçlandıru öçen, Ukrainanıñ NATOğa quşıluınıñ Rusiägä qarşı ziyanı bulmayaçağın äyttte.

Fransiäneñ La Croix gazetasına birgän äñgämäsendä Viktor Yuşenko, Ukraina cirläreneñ Rusiägä qarşı maqsatlarda qullanılmayaçağın assızıqlağan ide.
XS
SM
MD
LG