Accessibility links

Кайнар хәбәр

Nazarbayev Astanada çit il citäkçelären qarşı ala başladı


Astana – Qazaqstan başqalası Astananıñ 10 yıllığın bäyräm itü tantanasına qatnaşu öçen prezident Nursultan Nazarbayev tarafınnan çaqırılğan Ärmänia, Azärbaycan, Gruzia häm Rusiä prezidentları bügen Astanağa kilde.

Başqalanı Almatıdan tönyaqtaraq Astanağa küçerü fikeren ğamälgä aşırğın Qazaqstan prezidentı Nazarbayev ilneñ soñgı waqıtta ireşkän uñışları turında kilgän däräcäle qunaqlar aldında çığış yasadı.

Yasağan çığışında Qazaqstan däwlät prezidentı Nursoltan Nazarbayev "Bez soñgı yıllarda kiçergän awırlıqlar qarşında isän qaldıq. Bu awırlıqlardan berse çıqqan krizıslarğa birelmiçä yaña ber il tözü ide" dip äyyte.

Astananı tözekländerü öçen küp tırışlıq kürsätkän prezident Nazarbayev, başqala arxitekturasın yañartu öçen Norman Foster häm Kişo Kurokova kebek dönyanıñ kürenekle arxitekların kitertkän ide. İldäge mul neft uñışınnan kergän aqça 700 meñ keşe yäşägän Astananı tiz arada tözekländerü eşenä yärdäm itä.
XS
SM
MD
LG