Accessibility links

шимбә, 10 декабрь 2016, Казан вакыты 00:23

Yaponiadä Zur 8lek citäkçelärenä protest


Tokyo - Zur 8lek citäkçeläre irtägä başlanaçaq Zur 8lek cıyını öçen bügen Yaponiağa kilä başladı. Zur 8lek citäkçeläre bügen irtä qarşılıq çaraları belän qarşılandı. Zur 8lek citäkçeläre sammit bulaçaq Hakkaido utrawına barğan waqıtta zur iminlek çaraları belän uratılıp alğan xalıq citäkçelär qarşında protest çaraları oyıştırdı. İrtänge protest çaraları waqıtında tärtepsezlek bulmawı turında xäbär itelä.

Protestçılar Zur 8lekneñ beterelüen, klimat üzgäreşe häm açlıqqa qarşı çaralar tabıluın taläp itä.

Zur 8lekne AQŞ, Yaponia, Rusia, Fransia, Anglia, Kanada, İtalia häm Almania täşkil itä.

Läkin elekke sammitlarğa qarağanda bıyılğı sammitqa, bu illärdän qala Afrika illäre, Hindistan häm täraqqiat yulında bulğan başqa illärdän dä wäkilläre çaqırıldı.

Klimat üzgäreşe, artqan yağulıq bäyäläre häm Zimbabwedädge soñgı üzgäreşlär cıyında söyläşeläçäk kön üzäk töp temalardan ber niçäse.

Cıyında citäkçelärneñ klimat üzgäreşe mäsäläsendä 2050 yılğa qadär kümer gazın kimetü turında çaralarnı citäkläwtä teläktäşlek kürsätüe kütelä.

Läkin könüzägendä dönyanı borçığan tağın da ähämmiätle mäsälä arta barğan azıq-tölek häm yağulıq bäyäläreneñ artuı häm bay bulmağan illärneñ alarnı tämin ütügä köç citerä almawı problemı tora.

Bush bügen bay illärneñ yarlı Afrika illärenä yärdäm itär waqıtı citte dip belderde.

Şul uq waqıtta bügen AQŞ prezidentı Yapon premyerı Yasuo Fukuda belän oçraştı. Bügen Yaponiada yasağan çığışında Bush, üzenen köçle dollar säyäsäten yaqlawın läkin şul uq waqıtta AQŞ iqtisadınıñ Waşinton telägänçä bik tä köçle bulmawı turında äytte.

AQŞ prezidentı Bush şulay uq Tönyaq Koreanıñ atom tırışlıqlarının xaman borçılarnı betermäwe turında da söyläde. Tönyaq Korea citäkçelege isä uran bayutu eşçänlege turındağı ğayepläwlärne kire qağa. Şulay da Bush yasağan çığışı waqıtında Tönyaq Korea şul uq waqıtta uñay adımnar yasıy başlawın qabul itte.

Tönyaq Korea 26 yündä atom eşçänlege turında xisapnı AQŞğa tapşırğan ide.

XS
SM
MD
LG