Accessibility links

чәршәмбе, 7 декабрь 2016, Казан вакыты 17:22

Bügen AQŞ däwlät sekretarı Condaleezza Rice, AQŞ saqlanu qalqanıñ Çexiada urnaştıru öçen kileşügä qul quyu maqsatında Pragda buldı.

Waşiñton älege raketa saqlanu qalqanıñ Könçığış Yewropada urnaştırunıñ maqsatın, AQŞ häm aña berektäş bulğan illärne İran häm Tönyaq Korea kebek illärneñ höcümnärennän saqlaw bularaq añlata.


Bügen Pragada Çexia belän AQŞ arasında imzalanğan kileşü saqlanu qalqanı yazmışı öçen möhim adım. Läkin AQŞ däwlät sekretarı Rice belän Çexia tışqı eşlär ministrı Karel Schwarzenburg qul quyğan kileşünen ğamälgä aşuı öçen äle alda başqarılası eşlär küp.

Bu kileşü başta Çexia parlamentı tarafınnan raslanırğa tiyeş. Çexiadağı uñ yaqlı xökümätneñ raslawı monın öçen üz partiasınnan qala tağın ber niçä tawışqa ixtiyacı bulaçaq. Yäğni xökümät xäzergäçä älegä taqdimgä qarşı bulıp kilgän oppozisiäneñ yaqlawına moxtaç.

Fiker beleşü näticälärenä qarağanda, xökümätneñ radar sistemının kiräklege xaqında añlatma birü tırışuına qaramastan, çex saylawçılarnıñı 3/2 öleşe älege qarar belän kileşä almawı kürelä.


Şuña kürä bügen Ricenıñ Praga säfäre, kileşügä qul quyudan qala proyekt öçen yaqlaw tabuda möhim rol uynıy.

Saqlanu qalqanına qarşı çıguçılar xäzergäçä proyektkä qarşı 100 meñ imza cıydı.

3.5 milliard dollarlıq saqlanu qalqanı planınıñ 2012-13 yılğa qadär beterelüe küz aldında totıla. AQŞ küzläw idaräse belderüençä İran 2015 yılğa qadär yıraq-ara rekatalar tözi alırlıq köçkä ireşüe ixtimal.

İran häm Tönyaq Korea kebek ışanıçsız illärdän ixtimal höcümnärgä qarşı saqlanu maqsatında töziläçäk roketa qalqanı proyetı nigezendä Çexiadan qala 10 raketanı Polşağa urnaştıru qarala. Rice Warşawa belän kileşü maqsatında Praga säfäre aldınnañ kiçä Polşa tışqı eşlär ministrı Radoslaw Sikorski belän oçraşqan ide. İke il arasında proyektkä qarata urtaq qaraş tabıla almasa da, ike taraf da kileşügä ireşü niätendä qaluların belderde.

Oçraşudan soñ Polşa tışqı eşlär ministrı bolay çığış yasadı:

Saqlanu qalqanı planına qarata bez üz mönäsäbätebezne belderdek. Bezneñ qaysı ber näticäleräk fikerlärebez dä bar ide

Polşa xaqimiäteneñ üz xärbilären yañartu maqsatında AQŞtan yärdäm taläp itüenbelderelä. Yäğni kileşüne qabul itkän oçraqta Rusiädän kiläçäk yanawlardan üzen saqlaw maqsatında, Polşa xärbi yärdäm taläp itä.

Mäskäw isä bu kileşügä anıñ Rusiä iminlegenä yanawın däğwa itep qarşı çığa. Rusiä bu adımnarnıñ dönyada yaña qorallanu yarışına kiteräçägen alğa sörä.

Praga säfärennän soñ Rice yulın Sofia häm Tifliskä däwam itäçäk.
XS
SM
MD
LG