Accessibility links

җомга, 9 декабрь 2016, Казан вакыты 16:49

Şul uq östäl, ämma ğäskärlär başqa... 1968 yılda Pragada imzalanğan kileşü Çexoslovakiädä SSSR ğäskärläre turında ide. Bu yulı Çexiägä xökümät fatixası belän AQŞ köçläre kilä ala.

1968 yılda Sovetlar berlegeneñ Ministrlar Şurası räise Aleksey Kosıgin häm elekke Çexoslovakiä premyer-ministrı Oldrix Çernik ildä sovet ğäskärlären urnaştıru turında kileşügä qul quydı. Ul çaqta qullanılğan östäl genä tügel, bu yulı Çexiä häm AQŞ tışqı eşlär ministrları Karl Şwarsenberg häm Condoleezza Rice utırğan urındıqlar da şul uq 40 yıl elekke urındıqlar bula ala, dip farazlana.

Çexiäneñ tışqı eşlär ministrlığı, bu waq qına, ämma qızıq äybergä iğtibar itkän jurnalistlarğa, “böten kileşülär şuşı östäldä imzalana, tarixta nilär bulğanı öçen bez cawap tota almıybız”, dip cawap birde.

1968 yılnıñ avgustında Çexoslovakiägä meñlägän sovet ğäskäre kertelde. Okkupasiä 20 yıl däwam itte. Ul çaqta, Çexoslovakiä citäkçelege Mäskäwdän sovet rejimına qarşı bulğannar belän köräşergä yärdäm soradı, dielde. Ämma asılda ğäskär kertü qararı Mäskäwdä qabul itelgän ide.

Sişämbe (8 iyül) Çexiäneñ Brdı şähäre yanında 250gä qädär amerikän ğäskärien urnaştıru turında kileşü tözelde. Alar şunda tözeläçäk radar qorılmasın qarap toraçaq.

Kileşü imzalaw östäle şul uq bulsa da, 1968 yıl belän ayırma şunda - bu yulı kileşügä irekle fiker alışu şartlarında ireşelde. Radar turındağı şartnamäne äle ike ilneñ dä parlamentı raslarğa tieş.
XS
SM
MD
LG