Accessibility links

сишәмбе, 6 декабрь 2016, Казан вакыты 11:14

Britania: Rusiäneñ BMO taqdimen veto itüe añlaşılmi


London – Britania tışqı eşlär ministrı David Milliband bügen yasağan çığışında BMO iminlek şurasınıñ Zimbabwegä çikläwlär kertü qararınıñ Rusia tarafınnan kire qağıu borçılu oyattı dip belderde. Ul Rusiänen bu xaräkäteñ "añlaşılmas adım" bularaq atadı.

Milliband yasağan belderüendä: "Rusiä başta, Yaponiadä uzğan Zur 8lek utırışı waqıtında Zimbawe prezidentınıñ saylawda xärämläşü kertkäne öçen Zimbabwegä qarşı çikläwlär kertü ğamäleñ yaqlarğa wağdä itkän ide" dip dide.

Miliband şulay uq qararnı veto itkän Qıtayğada qatı tänqit belderde.

Könbatış illäre kiçä, 15 ildän torğan iminlek şurasınıñ taqdimne qabul itär öçen kiräkle minimum 9 uñay tawışqa ireşsä dä, Rusiä häm Qıtaynıñ taqdimne veto itüe säbäple çikläw kertü qararı ğamälgä aşa almadı.

Rusiä bügen üz qararı turında yasağan belderüdä, BMO tarafınnan alğa sörelgän taqdimneñ, iminlek şurasınıñ alğa taba bu kebek yaisä başqa säyäsi säbäplär arqasında illärneñ eçke eşlärenä tıqşınuına yul quyaçaq köçtä xätär näticägä etärä alaçağına basım yasadı.

BMOnıñ Zimbabwegä kertergä telägän çikläwlär arasında qoral satunı tuqtatu, Zimbabwe prezidentı häm idarädäge 13 keşegä iqtisadi çikläw belän alarnıñ säyaxät itü mömkinçeleklären qısu küz aldında totıla ide.

XS
SM
MD
LG