Accessibility links

Gruziä: Germania tınıçlıq planına künderä


Almania tışqı eşlär ministrı Frank Walter Steinmeier Abxaziadağı qarşılıqnı beterü omtılışında alıp barğan tınıçlıq söyläşülären bügen başladı.

Steinmeier säfäre waqıtında Tiflis, Suximi häm Mäskäwgä barıp, räsmilärne Berlin taqdim itkän yaña tınıçlıq planına künderergä tırışaçaq.

Almania tışqı eşlär ministrı Frank Walter Steinmeier, Abxaziadağı nizaqnı beterü öçen 3 könlek Gruziä häm Rusiä säfären başlap cibärde.

Britania, Fransia, Almania, Rusia häm AQŞtan torğan BMOğa Dus törkem, Abxaziadağı kiyerenkelekne çişärgä teli. Bu wazifanı isä bügenge köndä Steinmeier citäkle.

Gruziä tışqı eşlär ministrı belän söyläşkännnän soñ Steinmeier säfärneñ maqsatı turında matbuğat çaraları aldında bolay söyläde:

“Almania töbäktä barğan kiyerenkelekne beterü öçen küptännän üzeneñ tınıçlıq planın buldırırga tırıştı. Bu çara älbättä Gruziäneñ il berdämlegen saqlap qalu yünäleşendä bulaçaq. Älege tınıçlıq kertergä telägän BMOga Dus illär Törkemenä citäkçelek itü bezgä kübräk cäwaplılıq xise tudıra. Şuña bez bergäläp töbäktäge nizaqnı çişü öçen kübräk tırışırbız”

Gruzia tışqı eşlär ministrı Tkeşälaşvili Steinmeiernıñ izge niäten xuplap bolay çığış yasadı:

“Tiflistä başlağan kileşü tırışlılığı BMOğa Dus illär törkeme yärdämendä däwam itäçäk. Alğa taba maqsatlarnı bilgelägändä alar bezgä yul kürsäter. Min tağın ber qat Alman duslarıbız kürsätkän yärdämnär öçen seznen alda alarğa tağın ber qat räxmät äytäm”

Tiflistän soñ Steinmeier säfären Abxaziaga taba däwam itäçäk. Ul anda ayrılıqçı başlıqlar` belän söyläşäçäk. Berlindä kire qaytır aldınnan Steinmeier Rusiä Tışqı eşlär ministrı Sergey Lavrov belän Mäskäwdä oçraşaçaq.

Gruziä belän Rusiä arasındağı nizaq soñgı tapqır Gruziäneñ NATOğa quşılırğa teläwe häm Rusiälelärneñ ayrılırğa telägän törkemne yaqlawı belän artıp kitkän ide.

Gruziä Abxaziada bulğan şartlawda Mäskäwne ğayepli. Gruziä Rusiäne Abxazia cirlegenä kerergä tırışuda ğayepläsä, Russiä Gruziäne töbäkne köç belän kire alırğa tırışuda ğayepli..


Almania Abxazia nizağın çişär öçen yaña plan äzerläde. Steinmeiernıñ säfärenen maqsatı isä älege plannı ğamälgä aşıru öçen taraflarnı moña künderü bulaçaq.

German institutı belgeçe Uwe Halbach plan turında radiobızga bolay söyläde:


“Xäzerge waqıtta Abxaziağa xalıqara däräcädä tınıçlıq urnaştıru yünäleşendä ike plan bar. AQŞ töbäkkä xalıqara xärbi köçlär urnaştırırğa taqdim itkän ide. Monnan qala Germaniädä üz taqdimi belän kilde. Berençe adım bularaq taraflarnı ber östäldä cıyu öçen nigez äzerläw. İkençese iqtisat tarmağın nığıtıu. Häm 3nçe maqsat- töp maqsatnı täşkil itä. Anda nizaqnı çişü yulları häm Abxazia mäsäläsenä iğtibarnı yünälderü bulçaq”
XS
SM
MD
LG