АКШ көчләре Гыйракта виләят башлыгы улын һәм туганнан туганын үтерде

АКШ хәрбиләре рейд вакытында Гыйракның төньягындагы Сәләхетдин виләяте башлыгының улын һәм туганнан туганын атып үтерде.

Полиция белдерүенчә, Хәмит Хуммут әш-Шактиның улы Хусам һәм туганнан туганы Үдәй Бәйҗи шәһәрендә үтерелгән.

АКШ хәрбиләре белдерүенчә, хәрбиләр бер йортка кереп анда кораллы 2 кешене күргән һәм аларны дошманга охшатып атып үтергән.

Соңрак аларның виләят башлыгының туганнары булуы ачыкланган.