Мәскәү - иң кыйммәтле шәһәр

Кушма Штатларның Mercer ширкәте үткәргән тикшеренү нәтиҗәләренә караганда, иң кыйммәтле шәһәрләр исемлегендә беренче бишлектә Мәскәү, Токио, Лондон, Осло һәм Сеул килә.

Беренче 25 шәһәр исемлеге:

1. Мәскәү
2. Токио
3. Лондон
4. Осло
5. Сеул
6. Һоң-Коң
7. Копенһаген
8. Женева
9. Цюрих
10. Милан
11. Осака
12. Париж
13. Сингапур
14. Тель-Авив
15. Сидней
16. Дублин
17. Рим
18. Петербур
19. Вена
20. Пекиң
21. Һельсинки
22. Нью-Йорк
23. Истанбул
24. Шанхай
25. Амстердам

Прага 29 урынны, Мюнхен 37, Берлин 38, Киев 42 һәм Алматы 44 урынны алган.

Мерсер белдерүенчә, долларның кыйммәте төшү сәбәпле АКШ шәһәрләре исемлектә арткарак күчкән.

Бу тикшеренүдә 143 шәһәрнең читтән килгән хезмәткәр тормышына тәэсир итүче 200-дән артык ягы бәяләнгән. Бәяләр уртача торак арендасы, транспорт, азык-төлек, машина ягулыгы, күңел ачу бәяләренә һәм башка якларга карап куелган.

Мәскәүне тагын 1-нче урынга чыгаруга андагы кофе бәяләре дә күпмедер өлеш керткән. Тикшеренүне үткәрүчеләр анда бер кофе бәясенең 10 ярым долларга якын булуын әйтә.

Mercer хезмәткәрләр мәсьәләрендә дөньяда иң абруйлы киңәш ширкәтләренең берсе санала.