Accessibility links

сишәмбе, 6 декабрь 2016, Казан вакыты 17:21

İran prezidentı Äxmädinicat söyläşülärgä äzer buluın äytte



Tähran – İranga räsmi säfär belän kilgän Suriä prezidentı Bäşşar Äsad belän söyläşkän İran prezidentı Mäxmüt Äxmädinicat, söyläşüdän soñ yasağan çıgışında, tınıç maqsatlarda däwam itkän, Irannıñ üz xoquqı bulgan - atom tırışlıqlarınnan, İrannıñ ber qayçan da baş tartmıyaçağın belderde.

Äxmädinicat şulay uq, bezneñ dä xoquqlarıbız qayğırtılğan oçraqta här törle söyläşülärgä bez äzerbez dip äytte.

"Söyläşülär turında bezneñ qaraş citdi. Häm bez bulaçaq söyläşülär, tärteple häm qanuni bulır dip ömetlänäbez. Ul çağında bu kileşü bik uñay häm näticäle bulır. Bez başqalarnıñ da bu eşkä citdi qaraşta buluına ömet itäbez. Alarnıñ da dönya häm töbäk mäsälälärendä tınıçlıq häm totrıqlıq urnaştıru ölkäsendä söyläşülärgä äzer buluın telibez”

Äxmädinicat çığışınnan soñ Suriä prezidentı Äsad, “İrannıñ atom energiası buldıru xaqıñ” bez yaqlıybız dide.

Qunaq citäkçe, atom tırışlıqlarına qarata Suriänenxalıqara qanunnarga ütä ähämiät kürsätüen iskä töşerep, İrannın da başqa illär kebek uq atom energiası citeşterergä xoquqı buluın äytte.

İke prezident yasağan urtaq çığışlarında, ike kürşe ilneñ töbäktä totrıqlıqnı häm tınıçlıqnı saqlaw öçen bergä xezmättäşlek itüneñ ähämiätenä basım yasadı.

Citäkçelär Tähran-Dimaşq arasındağı mönasäbätlärne bozu tırışlıqlarınıñ näticäsez qalaçağın belderde.

Söyläşülär waqıtında ike il arasındağı mönasäbätlärdän qala, töbäk häm xalıqara mönasäbätlär turında da kiñäşläşü buluı xäbär itelä.

2000 yılda prezidentlıq wazifasına kilgännän birle, İrannı 6 tapqır ziärät itkän Äsadnıñ bügen söyläşülärne tämämlap Suriägä qaytuı kötelä.

XS
SM
MD
LG