Accessibility links

якшәмбе, 4 декабрь 2016, Казан вакыты 06:51

Tatarstanda respublika häm başqala köne bäyräm itelde


Qazan - Bügen Tatarstanda respublika häm başqala köne bäyräm itelä. 18 yıl elek Tatarstan möstäqillek turında deklarasiane iğlan itkän ide. Soñınnan bäyräm Suverenitet iğlan itü könennän, respublika könenä üzgärtelde. Qazannıñ 1000 yıllığı bäyräm itelgän 2005 yıldan başlap, 30nçe august başqala köne dä bäyräm itelde.

Bäyräm uñayınnan Qazannıñ rayonnarında bäyräm konserları, sport yarışları, başqa küñel açu çaraları uzdırıldı.

Qamal teatrı yanında uzğan tantanada Tuqay büläge lauretları büläklände. Bu çarada qatnaşqan Tatartan prezidentı Mintimer Şäymiev respublika xalqın Tatarstan Respublikası häm şähär köne belän qotladı. “Qıyınlıqlar bulsa da, yıl sayın bäyräm mägnä belän tulılana bara”, dip belderde Tatarstan prezidentı.

Bügen köndez Kreml yanında häyriäçe Äsgät Ğälimcanovqa häykäl açıldı. Häykäl arbağa töyälgän balalar, at häm Äsğat Ğälicanov sınnarınnan tora. Ğälimcanov balalar yortlarına yärdäm kürsätüe, başqa häyriä eşläre belän tanılğan.

Milli xäräkät wäkilläre Ğälicanovqa häykälne Kreml yanında quyuğa qarşılıq beldergän ide. Milli xäräkät aktivistları, Kreml yanında Qazannı saqlağanda şähit kitkän suğışçılarğa häykälneñ quyuluı haman da suzılıa baruına protest beldergän ide.

Qazan üzäk mäydanında, Kreml astında ike zur säxnädä, “Tınıçlıqnı tudıru” rock festivale buldı. Anıñ açılışında öç töp dinneñ wäkile tınıçlıqqa öndäde. Bu festivalgä qotlaw möräcäğäten Rusiä preziedntı Dmitriy Medvedev cibärgän.

XS
SM
MD
LG