Accessibility links

Кайнар хәбәр

Gustav dawılı Amerika yarlarına yaqınaya


New Orleans - AQŞ federal aşığıç idarä üzäge, yaqınayıp kilgän köçle Gustav dawılı turında Meksika qultığı yaqınnarında yäşägän keşelärgä küçenü öçen aldan uq kisätü yasadı.

New Orleans şähär başlığı dawılnı “Gasırnıñ iñ zur cildawılı” dip atap xalıqnı afät aldınnan şähärdän çığıp kitägä öndäde:

“Qurqarğa, qayğırırğa häm xäzer uq kiräk äyberegezne alıp New Orleansnı taşlap kitärgä tiyeşsez, bu soñgı ğasırda bulğan iñ zur cildawıl” dip kisätte şähär başlığı.

Kisätüdä, köçle cildawılnıñ 24 säğat eçendä Louisana ştatınıñ könbatış yarlarınnan alıp Alabama Florida ştatı çigenä qadär taralaçağı isäplänä dip äytelgän. Monnañ 3 yıl elek bulğan Katarina cildawılı näticäsendä bulğan taşularda oyışma kiräkle yärdäm kürsätä almawda ğayeplängän ide.

2005 yılda bulgan cildawında şähärneñ 5tän dürt öleşe su astında qalğan, yaqınça 1600 keşe ülgän ide.

Cildawıl säğattä 230 çaqrım köç belän Kubanı üz täserenä aldı. Xäzergäçä afät waqıtında Karaibtä ülgännär sanınıñ 80gä citüe xäbär itelä.

Gustav cildawılı näticäsendä Kubada bağanalar awğan, binalar cimerelgän häm banan basularına zur ziyan kilgän.
XS
SM
MD
LG