Accessibility links

шимбә, 3 декабрь 2016, Казан вакыты 16:44

Brown: “Yewropa Rusiägä moxtac bulıp yäşämäskä tiyeş”


London - Britania premyer ministrı Gordon Brown irtägä cıyılaçaq Yewropa Berlege sammitında, Rusiagä bulğan energia ölkäsendäge ixtiyacnıñ kimetelüe häm bu uñaydan Rusiägä alternativ energia yulları proyeklarına kübräk aqça bülep berelüe öçen Yewropa Berlege illärenä basım yasaçağın belderde.

Brown, bügen The Observer gazetasına bergän äñgämäsendä, Mäskäw xaqimiäten bik qatı tänqitläde. Brown, Mäskäw belän mönäsäbätlärne bik tirän itep yañadan qarap çığarırğa kiräk dip belderde. Brown, “Yewropa Rusiäneñ neft häm gazına moxtaç yäşäp aña fidyä tülär xäldä qalmasqa tiyeş” dip kisätte.

Brown, Rusiägä alternativ energia proyektı turında ,“İrtägä bulaçaq cıyında Yewropanıñ energia mäsäläsenä iğtibar arttırılırğa tiyeş. Başqa neft häm gaz tämin itkän illär belän köçle häm aşığıç mönäsäbät buldırığa tiyeşbez” dip söyläde.

XS
SM
MD
LG