Yewropa Berlegendä räislek itüçe Fransiä prezidentı Nikolas Sarkozy törkeme Mäskäw belän Tiflis arasında diplomatik çişeleş ezläp yörgändä Gruzineñ oppozitsiä citäkçese Salome Zurabişvili Azatlıq studiosına kilep äñgämä birde. Yewropa Berlegeneñ nizağnı çişü tırışlığın ul yuğarı bäyäläde.
Mäskäwdä ütkän awır söyläşülärdä kön tärtibendä ber genä mäsälä ide – Rusiä ğaskärlären çığaru. Kileşügä ireşelmägän bulsa, bez basıp alınğan xäldä qalır idek. Andıy çiklängän külämdä möstäqillekkä iä bulğan illär bar, misal öçen Livan. Minem öçen bu faciğä bulır ide, dide oppozitsiä citäkçese.
Sakozy belän Medvedev ireşkän kileşü nigezendä, Rusiä ğaskärläre bar ay eçendä Gruziäneñ bäxässez töbäklärennän çığarılırğa tieş. Bu bik qurqınıç çor bulaçaq, çönki ike yatqan da provakatsiälär ixtimal. Alarnı buldırmas öçen bez barın da eşlärgä tieş, di Zurabişvili.
Aldağı ber ayda gruzinnarğa “xökümät”, “oppozitsiä” kebek süzlärne onıtıp torırğa kiräk. Bar Gruziä berläşep şuşı urtaq maqsat - Rusiä ğaskärlären ildän çığaru öçen köç quyarğa tieş, dip sanıy oppozitsiä citäkçese.
Bu Gruziäneñ däwlät bularaq yäşäp qalu-qalmaw mäsäläse, di Zurabişvili. Şul säbäple ul älegä uram cıyınnarı kebek çaralardan totılıp torırğa çaqıra. Mondıy wazğiättä säyäsi oppozitsiä bula almıy, çönki ul ileñä qarşı çığunı añlataçaq, di Gruziä Yulı firqäse başlığı.
Elekke tışqı eşlär minsitrı fikerençä, xäzer Gruziäne bu awır xäldän berkem dä yalğız ğına çığara almıy. Andıy fikerdä bulğan härkemne, şul isäptän Mişanı da [prezident Saakaşvili] ul bu fikerdän arınırğa çaqıra.
İlne saqlap qalu öçen Zurabişvili prezidentqa törle säyäsi köçlärdän torğan maxsus törkem tözergä täqdim itä. Xökümät tä, koalitsiä dä tügel tügel, “ilne qotqaru törkeme”. Bu berdän-ber yul, di ul. Saakaşvili monı añlamasa, üze dä şuşı faciğä qorbanı bulaçaq.
Mäskäwdä ütkän awır söyläşülärdä kön tärtibendä ber genä mäsälä ide – Rusiä ğaskärlären çığaru. Kileşügä ireşelmägän bulsa, bez basıp alınğan xäldä qalır idek. Andıy çiklängän külämdä möstäqillekkä iä bulğan illär bar, misal öçen Livan. Minem öçen bu faciğä bulır ide, dide oppozitsiä citäkçese.
Sakozy belän Medvedev ireşkän kileşü nigezendä, Rusiä ğaskärläre bar ay eçendä Gruziäneñ bäxässez töbäklärennän çığarılırğa tieş. Bu bik qurqınıç çor bulaçaq, çönki ike yatqan da provakatsiälär ixtimal. Alarnı buldırmas öçen bez barın da eşlärgä tieş, di Zurabişvili.
Aldağı ber ayda gruzinnarğa “xökümät”, “oppozitsiä” kebek süzlärne onıtıp torırğa kiräk. Bar Gruziä berläşep şuşı urtaq maqsat - Rusiä ğaskärlären ildän çığaru öçen köç quyarğa tieş, dip sanıy oppozitsiä citäkçese.
Bu Gruziäneñ däwlät bularaq yäşäp qalu-qalmaw mäsäläse, di Zurabişvili. Şul säbäple ul älegä uram cıyınnarı kebek çaralardan totılıp torırğa çaqıra. Mondıy wazğiättä säyäsi oppozitsiä bula almıy, çönki ul ileñä qarşı çığunı añlataçaq, di Gruziä Yulı firqäse başlığı.
Elekke tışqı eşlär minsitrı fikerençä, xäzer Gruziäne bu awır xäldän berkem dä yalğız ğına çığara almıy. Andıy fikerdä bulğan härkemne, şul isäptän Mişanı da [prezident Saakaşvili] ul bu fikerdän arınırğa çaqıra.
İlne saqlap qalu öçen Zurabişvili prezidentqa törle säyäsi köçlärdän torğan maxsus törkem tözergä täqdim itä. Xökümät tä, koalitsiä dä tügel tügel, “ilne qotqaru törkeme”. Bu berdän-ber yul, di ul. Saakaşvili monı añlamasa, üze dä şuşı faciğä qorbanı bulaçaq.