Accessibility links

шимбә, 10 декабрь 2016, Казан вакыты 19:35

Украина Юкъары Радасында бир ай девам эткен инкъираз Раданынъ даркъатылувы ве янъы, невбеттен тыш сайлавларнен екюнленеджегининъ буюк ихтималы бар.

[ кырымтатар телендә ]

8 октябрьде президент Ющенко Украина Юкъары Радасы фракция башларынен корюшюв отькерген сонъ бойле хуляса чыкъармакъ мумкюн. Президент 36 кунь девамында янъы парламент коалициясы тизильмегенден сонъ Украина Юкъары Радасыны даркъатмакъ укъукъыны къулланаджагъы беклениле эди. Бу акъта президент озь фикирини бильдирип мына не деди.

Виктор Ющенко: «Коалиция 30 куньде тизильмеген сонъ мен парламентни даркъата билем», деди.

Президентнинъ айткъанларына чешит сиясий кучлер ве сиясетчелер озь мунасебетлерини бильдирдилер.

Адлие министри Лавринович: «Бойле вазиетте президент анаясада олгъан укъкукъыны къулланаджагъы табиийдир», деди.

Регионлар фиркъасы етекчиси Янукович келип чыкъкъан вазитке къыймет кесип: «Биз кечкен ве оладжакъ невбеттен тыш сайлавларнынъ тешеббюсчилери олмадыкъ, президент исе озь укъукъукъыны къуллана биле», деди.

«Бизим Украина» фиркъасы башы Кириленко исе, БЮТны козьде тутып «биз принципсиз коалиция тизип оламаймыз», деди.

Иште, Украина Юкъары Радасынынъ бу чагъырылышы кене де даркъалув арфесинде тургъаныны коремиз.

XS
SM
MD
LG