Accessibility links

якшәмбе, 4 декабрь 2016, Казан вакыты 07:02

Belarus xaqimiäte Yewropanıñ çikläwlärne ciñeläytü adımın xuplıy


Minsk – Belarus xaqimiäte Yewropa parlamentınıñ, Yewropa illärenä Belorusqa qarşı bulgan çikläwlärne yomşartu öçen yasagan çaqıruın xupladı.

Belarus tışqı eşlär ministrı süzçese Valeri Vorontski Yewropanıñ bu xäräkäteñ “yaxşı yaqqa borılış” bularaq atadı.

Belarusqa qarşı bulgan çikläwlärne yañadan qarap çıgu häm Belarus räsmilärenä kertelgän viza çikläwen gamäldän çığaru mömkinçelege turında taqdim itelgän qarar, Yewropa parlamentı tarafınnan bu atna 31 qarşı tawışqa qarşı, 597 uñay tawış belän qabul itelde.

Yewropa Berlegeneñ tışqı eşlär ministrları çikläwlärne ciñeläytü mäsäläsen düşämbe könne Lüksemburgda qararga cıyına. Älege cıyınga Belarus tışqı eşlär ministrı Sergey Martinovda çaqırıldı.

Yewropa Berlege, Belarus prezidentı Aläksandr Lukaşenka häm başqa räsmilärgä keşe xoquqların häm demokratianı bozgan öçen alarnıñ Yewropaga säyäxat itüenä çikläw kertkän ide.

Yewropa belän Belarus arasında soñgı könnärdä mönäsäbätlärnen cılınıp kitüe xäbär itelä. Rusiä belän energia bäyäläre mäsäläsendä nizagqa kergän şuşı könnärdä Lukaşenkanıñ könbatış belän mönasäbätlären yaxşırtırga omtıluına işarälär bar.

XS
SM
MD
LG