Accessibility links

чәршәмбе, 7 декабрь 2016, Казан вакыты 19:30

Kavkazda bulgan cir teträwdä ülgännär sanı 13kä citte


Grozni – Kiçä Kavkazda bulgan zur cir teträwendä kimendä 13 keşeneñ ülüe häm 100dän artıq keşenen yaralanuı xäbär itelä. Yaralangan keşelär arasında balalar da bar.

Kiçä 5.3 zurlıqta bulgan zilzelä üzägeneñ Groznigä 40 çaqrım yıraqlıqta buluı xäbär itelä. Zilzilädä qaysıber binalarnıñ cimerelüe, yullarnıñ bozıluı häm elemtä çıbıqlarınıñ özelüe xäbär itelä. Rusiäneñ Kavkazdagı 5 töbägen üz täserenä algan zilzelä, şulay uq kürşe Ärmänstan häm Görcestanda da xis itelgän.

Rusiäneñ ğadättän tış xällär ministrı, zilzilädä ziyan kürgän keşelärne qotqaru öçen maxsus qotqaru törkemen wazifalandırdı. Qotqaru törkemenä maxsus citeşterelgän etlär dä quşıla.

XS
SM
MD
LG