Accessibility links

якшәмбе, 11 декабрь 2016, Казан вакыты 07:12

İran prezidentı Äxmädinicat küp eşläwdän talçıqqan


Tähran – İran prezidentı Mäxmüd Äxmädinicatnıñ küp eşläw säbäple awırıp kitüe xäbär itelä.

Äxmädinicatnıñ eş xezmätkäre İsmagil Käwsär, İran däwlät mäğlümat çarası İRNAga yasagan belderüdä, Äxmädinicatnıñ küp eşläw säbäple üzen yaxşı xis itmäwen äytte. Prezidentnıñ xäle turında täfsille mäğlümat birmägän Käwsäri, Äxmädinicatnıñ ozaqlamıy xäl cıyıp eşkä çıgaçağın belderde.

Äxmädinicatnıñ iñ soñgı säfäre New Yorkqa bulğan ide.
Ul anda BMO cıyınına qatnaştı.

Käwsäridän soñ çığış yasagan mädäniät ministrı Möxämät Xösäyen Safar isä Äxmädinicatnıñ küp eşläw säbäple awıru xäbären raslap, prezidentnıñ qan basımının tübän buluın şul säbäple ber möddät tabip küzätüe astında qalaçağın belderde.

Prezidentnıñ kötmägän dä awırıp kitüe, anın prezident saylawında yañadan namzät bulıp qatnaşuı mäsäläsenä isä açıqlıq kertelmäde.

Äxmädinicatnıñ qaysı ber könnär 20 säğat buyına eşläwe häm şul säbäple yuqı problemı belän cäfalanuı telgä alına.

"Mondıy eşläw tärtibendä härkemneñ talçığaçağı bilgele" - dip beldergän Käwsäri, anıñ awıruın psixologik suğış maqsatında qullanırga äzerlängän keşelärneñ bu omtılışlarında ereşä almıyaçagın äytte.

52 yäşendä bulgan Äxmädinicat, uzgan may ayında şulay uq 3 atna buyı programnarnı kiçektergän, monın säbäbe turında mäğlümat citkerelmägän ide.

XS
SM
MD
LG