Accessibility links

дүшәмбе, 5 декабрь 2016, Казан вакыты 07:41

İranda ber balanı üterüdä ğayeplängän ike keşe asıp üterelgän


Tähran – İrannıñ Kiş utrawında 9 yäşlek ber ir balanı urlap, soñınnan anı üterüdä ğayeple tabılgan ike keşeneñ asıp üterelüe xäbär itelä. Köndälek Etemad gazetası bu keşelärneñ qayçan häm qayda ülemgä xökem itelüe turında täfselle xäbär birmiyçä, alarnıñ isemnäreneñ Ali häm Hassan buluın belderde. Balanı urlaw häm üterü waqıyğası bıltır bulğan.

Fransuz xäbär agentlıgı AFP belderüençä, soñgı başqarılgan ülem cäzası belän İranda ülemgä xökem itelgän keşelär sanı 199 keşegä citkän. Xalıqara keşe xoquqları törkeme, Amnesty International, uzğan yıl İranda 317 keşenen ülemgä xökem itelüen häm bu sannıñ Qıtaydan qala, başqa illär belän çağıştırganda iñ yuğarı buluın beldergän ide.

XS
SM
MD
LG