Accessibility links

якшәмбе, 4 декабрь 2016, Казан вакыты 15:18

AQŞta eşsezlek soñgı 14 yıldagı iñ yugarı däräcägä citte


Waşiñton – AQŞda eşsezlär sanı, 6,5 artu belän ildä soñgı 14 yılda küzätelgän iñ yugarı däräcägä citde. AQŞ xezmät ministrlıgı yasagan yaña belderüdä, noyabr ayında AQŞta eş belän tämin itkän şirkätlär, 240 meñ keşene eştän çığargan.

Amerikada soñgı 10 ay däwamında iqtisadi säbäplär arqasında eştän çığaru oçraqları artqan. Bu waqıt eçendä eştän çığarıluçılarnın sanı 1 million 200 meñ keşegä citkän.

Qaysı ber iqtisad bilgeçläre ildäge eşsezlek sanınıñ kiläse yılda 8 % artaçagın farazlıy. AQŞta avgust häm sentäbr aylarında eşlären yugaltuçılar sanı, başta farazlagannan da artıp kitkän ide.

Awgustta 127 meñ keşe eştän çığarılgan bulsa, bu san sentäbrda 284 meñ bulgan ide.

Uzğan comğa könne avtomobil şirkätläre arsında in zurlardan Ford, soñgı çirek yılda 2 milliard 980 million dollar zararda buluın iğlan itep, kiläse aylarda eştän kübräk keşene çığarırğa niätläwen beldergän ide.

Obamanıñ kiläse yılnıñ ğıynwar ayında George Bushtan xaqimiätne üz cilkäsenä alaçağı möddät arasında, Amerikada küp keşeneñ äle eşeñ yugaltuın däwam itäçäge farazlana.

AQŞta 1980-1982 yıllarda bulgan iqtisadi kiyerenkelek waqtında eşsezlär sanı 10,8 % artqan ide.

XS
SM
MD
LG