Tel Aviv – İzrail xärbi süzçese, Ğazzä sızığı çigendä İzrail xärbiläre belän Fälästenlelär arasında bäreleşlär buluı xäbären rasladı. Läkin bäreleşlärnen Fälästen yagı däğwa itkänçä, Ğazzä cirlegendä tügel anın çik buyında buluın belderde. Süzçe İzrail xärbilärenen, çik buyına urnaştırılgan ber şartlatqıçnı kontrol itü waqıtında, alarga höcüm oyıştırıluın äytte. Izrail yağı waqıyğalärdä yaralanuçı yäisä ülüçelärnen bulmawın belderä.
Fälästen yağı isä, Ğazzä çigenä yaqın alanlıqqa awır maşinalarnıñ kerep alanlıqnı tigezläwen häm şul waqıtta töbäktä urnaşqan Fälästen ğaskäreläre belän suğışuın däğwa itä. Fälästin yağı waqıyğada 4 keşenen yaralanuın belderä.
İzrail xärbiläre uzğan atna sişämbedä, “xärbilärne qaçıru” maqsatında qullanılaçağı alga sörelgän ber cir astı yulın cimerü öçen, Han Yonıs şähärçege yaqınlarına, Gazzädän 300 metr eçkä kerergä tırışqan ide. Çıqqan bäreleşlärdä 8 Fälästen suğışçısı ülgän, 4 İzrail gaskäriye yaralangan ide.
Bu çaradan soñ Fälästen yağı tınıçlıq kileşüe waqıtında tuqtap qalga roketa höcümnären yañadan başlap, çikneñ İzrail tarafındagı cirlärgä 40dan artıq raketa cibärgän ide.
