Accessibility links

чәршәмбе, 7 декабрь 2016, Казан вакыты 19:36

Шәймиев акчаны кысып тотырга чакыра


Татарстан президенты бүген Дәүләт Шурасына еллык юлламасын тәкъдим итте. Анда ул финанс кризис нәтиҗәләренә аерым игътибар бирде.

"Татар-информ" хәбәр иткәнчә, Шәймиев чыгышында : "Нефть бәяләренең төшүе һәм икътисади үсешнең әкренәюе белән без күп нәрсәне югалта алабыз", - дип әйткән .

"Бөтен яктан экономия кирәк, ихтыяҗ бик зур булмаса төзелешләрне туктатып торырга һәм яңаларны башламаска. Яңа зур төзелешләрне премьер-министр һәм президент рөхсәте белән генә башларга," - дип әйткән Шәймиев.

Дәүләт программаларының үтәлеше, финанс яктан мөмкинлекләр туганчыга кадәр, кичектерелергә мөмкин, дигән президент. Ул шулай ук бюджет өлкәсе хезмәткәрләренә тармакка карап яңача түләүгә күчүне бер елга кичектерергә тәкъдим итте. Шул ук вакытта, ул киләсе ел бюджетында дәүләт оешмалары хезмәткәрләре өчен эш хакларын 16% арттыру каралган, дип белгеләп үтте.

Гомум алганда, Шәймиев Татарстанның кризисны уңышлы кичерә алуына ышанычын белдерде.

XS
SM
MD
LG