Accessibility links

пәнҗешәмбе, 8 декабрь 2016, Казан вакыты 09:06

Президентның рейтингы төшә


“Медиалогия” үзәге хәбәренә караганда, Башкортстан президенты Мортаза Рәхимовның рейтингы төшкән.

Ул Русиядәге 100 билгеле сәясәтче исемлегенә кермәгән, ул гына да түгел, үзәк матбугатта рейтинглары югары беренче 40 губернатор исемлегеннән дә төшеп калган. Моны Радий Хәбиров белән тарткалашлар нәтиҗәсе дип аңлаталар.

Соңгы көннәрдә республика президентының вазифасында утыру вакыты турында да хәбәрләр таралды. Билгеле булуынча, республиканың ягулык тармагын саткан иделәр. Башта моны Мортаза Рәхимов урынына премьер-министр Раил Сарбаевны кую өчен дип аңлаттылар.

Шушы көннәрдә президент сүзчесе Айрат Морзагалиевның: “Мортаза Рәхимов вакытыннан алда китәргә җыенмый”, дип белдерүеннән соң ягулык тармагының аны урынында калдыру өчен сатылуын фараз итәләр. Болар турында бәйсез аналитиклар һәм сәхифәләр хәбәр итте.

XS
SM
MD
LG