Мәскәүдә журналист Анна Политковскаяның эше нигезендә чираттагы мәхкамә утырышы булды. Гаепләүче як үтерешне раслаучы видео күрсәткән. Анда Политковскаяның һәм шикләнелгән кешеләрнең шәһәрдә ничек хәрәкәт итүе күрсәтелгән. Шулай ук, мәхкамә утырышчыларына үтереш булган көнне саклау урыннарында куелган камера язмаларын, гаепләнүчеләрнең мобиль телефоннары эшләгән урыннары күрсәткәннәр. Гаепләнүче бер кешенең яклаучысы дәлилләрнең күбесе уйлап чыгарылган дип белдерде. Барлыгы җаваплыкка 4 кеше тартыла.
