Accessibility links

шимбә, 10 декабрь 2016, Казан вакыты 13:51

Бухарестте къырымтатарларынен багълы лейха такъдим этиледжек


12 декабрьде Бухарестте "Къырымтатарлар башкъа эвлери ёкъ" адлы мультимедиа лейхасы такъдим этиледжеги беклениле.

Къырымтатарларнен багълы фотосерги, тедкъикъатлар, халкънынъ бугуньки вазиетине аит видео ве весикъалар Котрочени сарайынынъ Президент залында нумайыш этиледжеги планлаштырыла.

Лейханынъ муэллифлери Колумбия университетининъ докторанты Мария Соневич ве фоторессам Элисан Картрайт Романиядаки къырымтатар диаспорасынынъ яшайышыныда огренеджеклер.

Къырымтатар милли авалары, музыкасынен зенгиллештирильген видеолар Нью-Йоркта ве Вашингтонда энди косьтерильген. Украинада бу лейха Львов ве Киевте нумайыш этиледжеги козьде тутула. Лейха "АКЪШ-УКРАИНА" фонды, АКЪШтаки къырымтатар диаспорасы къолтутувында беджерильген.

XS
SM
MD
LG