Accessibility links

якшәмбе, 4 декабрь 2016, Казан вакыты 19:31

AQŞ Saqlanu ministrı Giraqta


Bäğdad – AQŞ Saqlanu ministrı Robert Gates bügen Giraqqa kilde. Bahräyndäge Töbäk iminlegenä bağışlangan Manama Diologu isemle konferensiägä qatnaşqan Gates, Giraqqa säfär qılıp andağı xärbi başlıqlar belän oçraştı.

Giraq belän Amerika arasında imzalangan häm kiläse ay gamälgä keräçäk iminlek kileşüe buyınça, Ğiraqtagı 149 meñ AQŞ xärbiye yün ayına qadär Giraq şähär häm rayonnarınnan çigenergä tiyeş. Häm 2011 yıl axırına qadär ildän çigenü eşe tämamlangan bulaçaq.

Bügen Bahräyn säfäre waqıtında Gates, AQŞqa doşman illärne “20 ğinwarda xaqimiät başına kiläçäk Obamanı, Yaqın könçığış säyäsäte buyınça sınarga tırışu zur xata bulır” dip kisätte.

İminlek konferensiäsendä çığışı waqıtında Gates, neftkä bay yaqın kön çığış töbäge, härdaim Amerikanın iğtibar üzägendä bulaçaq dip belderde.

Obama Aq Yortta wazifaga başlaganda üz urınında qalaçaq Gates, Garäp sönni illären tagın ber qat Giraqni tulı säyäsät belän yaqlarga çaqırdı.

XS
SM
MD
LG