Accessibility links

дүшәмбе, 5 декабрь 2016, Казан вакыты 23:54

Rusiä xärbiläre çik buyındagı Perevi awılına kerde


Tiflis – Gruziä, Rusiä xärbilärenen Könyaq Osetia çigenä yaqın Perevi awılına yañadan kereün belderä. Gruziä eçke eşlär ministrı Şota Utiaşvili, Rusiä xärbilärenen awıldagı Gruzia milisiäsen töbäktän çığaruın xäbär itte. Gruziä yagında, küzätü wazifasın däwam itkän Yewropa Berlege küzläwçeläre dä, Rusiä xärbilärenen taşlap kitkän Perevi awılına yañadan qaytıp kirüe xäbären rasladı.

Rusiä xärbilärenen kiçä, Perevi awılınnan kitüe, alar urınıñ isä Gruzia milisiäsenen alıştıruı belderelgän ide.

Könyaq Osetiada awğust ayında bulgan bäreleşlärdän soñ Rusiä xärbiläre Gruzia çigen uzıp çik buyında imiinlek zonaları buldırgan ide. Soñınnan Fransiä tırışlıqları belän buldırılgan solıx kileşüe buyınça, Rusiä xärbiläre bu cirlärdän kire çigende. Alar urnına isä solıx kileşüenen ütäleşen küzätkän Yewropa Berlege küzätüçeläre urnaştırılgan ide.

XS
SM
MD
LG