Accessibility links

чәршәмбе, 7 декабрь 2016, Казан вакыты 13:32

Törkmänstanda xalıq parlament wäkillären saylıy


Aşğabat – Yaqınça 3 million saylawçı qatnaşqan parlament saylawında, Törkmänstan xalqı 125 urınlı Törkmän mäclesenä üz wäkillären cibärü öçen tawış birde.

Başqala Aşğabat häm 5 wilayättä tawış birü cirle säğat belän irtänge säğat 8dä başlandı.

125 urnlı parlament öçen 288 namzät köräşä. Däwlät radiosı töşke waqıtta saylawda tawış birü öçen saylawçılarnıñ 56 % qatnaşuın xäbär itte. Tawış birü däwam itkändä, uramnarda konsert häm başqa mädäni çaralar buldı.

5 million 400 meñ xalqı bulgan ildä, 5 yıl möddätkä parlamentqa saylanaçaq namzätlärneñ 56sı xatın-qızlar, 288 namzättän 286 isä yugarı uqu yortın tämamlagan buluı xäbär itelä. Läkin alarnıñ küpçelege xaqimiättäge häm mäclestäge berdän ber partiä bulgan Prezident Qurbanguli Birdemöxämmädovnıñ partiäse äğzaları. Şul uñaydan ağımdagı saylaw qaysıber tänqitçelär tarafınnan “küz buyaw bularaq” atala.

Tawış birü cirle sägat belän 6da tämamlandı. Näticälär isä irtägä iğlan itelä başlıyaçaq.

Saylawnı BMO häm YİXO kebek xalıqara oyışmalardan cibärelgän maxsus küzätüçelär dä küzätä.

Xalıqara keşe xoquqların küzätüçe Human Rights Watch oyışması isä çıgargan xisabında, Törkmänstanda gadel häm irekle saylaw ütkärü öçen şartlar tudırılmadı dip belderde.

XS
SM
MD
LG