Accessibility links

сишәмбе, 6 декабрь 2016, Казан вакыты 17:08

Bush Ğiraq belän xuşlaşa


Bäğdad – Amerikan prezidentı George Bush wazifası tämamlanuğa ber atna qalğanda kötelmägän säfär belän Ğiraqqa kilde. Bush säfäre waqıtında Giraq başlığı Cälal Taläbani belän oçraştı. Bush soñınnan AQŞ belän Ğiraq arasında tözelgän iminlek kileşüen imzalaw tantanasına qatnaştı. Tantanağa Ğiraq yağınnan premyer Nuri äl Maliqi qatnaştı. İminlek säbäple Bushnıñ Giraq säfäre turında kübräk mäğlümat birelme.

Bushnıñ bu säfäre şulay uq AQŞ saqlanu ministrı Robert Gatesnın Ğiraq ziärätennän ber kön soñ buldı.

Gates kiçä Ğiraq xärbiläre aldında yasağan çığışında, "AQŞ xärbiläreneñ Ğiraqtağı wazifa möddäte axırğa yaqınaya" dip beldergän ide.

Bush Ğiraq prezidentı Cälal Taläbani belän oçraşuı waqıtında yasağan çığışında, "Ğiraqqa kerü añsat bulmadı, läkin bu ğamäl AQŞ xalqınıñ iminlege häm Ğiraq xalqınıñ ömete öçen bik keräkle ide" dip belderde.

Amerikan Prezidentı Bushnıñ bu, suğış möxitenä dürtençe säfäre. Ziärät şul uñaydan 20 ginwarda Amerikanıñ yaña saylangan prezidentı Obamanın wazifağa kereşüe aldınnan Bushnıñ prezident isemlegennän Giraqqa qılğan soñgı xuşlaşu säfäre bulıp tora.

XS
SM
MD
LG