НАТО генераль секретаре Яап де Хооп Схеффер һәм Русиянең НАТОдагы вәкиле Дмитрий Рогозин бүген Брюссельдә төшке ашка очрашты.
НАТО Мәскәү белән сөйләшүне август аенда Русия-Грузия сугышы башлангач туктаткан иде. Югары дәрәҗәдәге сөйләшүләр бармаса да, тарафлар кайбер өлкәләрдә, мисал өчен Сомали ярларында пиратларга каршы чараларда хезмәттәшлекте дәвам итте.
