Accessibility links

якшәмбе, 11 декабрь 2016, Казан вакыты 17:04

Джемиль огълу коалицион анълашувны имзалагъан фракцияларгъа къошулды


Меджлис реиси М.Джемиль огълу Украина юкъары радасында Борис Тарасюк имзалагъан коалицион анълашувгъа къошулгъаныны хабер этти.

Меджлис реиси бильдиргенине коре президент В.Ющенко Джемиль огълунен телефон вастасынен багъланып парламентте мейдангъа келеяткъан коалициягъа къошулмамагъа риджа эткен.

Меджлис реисининъ: «Альтернатива насыл ола биле?», деген суалине президент джевап берип оламагъан.

Бундан сонъ Меджлис президиумында бу меселе бакъылгъан ве М.Джемилев «Наша Украинадан» коалицион анълашувгъа къолтуткъан депутаталаргъа къошулгъан. Шуны да къайд этмели «Наша Украинада» олгъан 72 депутатнынъ ярысы 36 депутат ола. Тек М.Джемиль огълу оларгъа къошулгъан сонъ, 37-сес, яни бир сес зияде коалициягъа къошулмакъ тарафдарларынынъ файдасына олгъан.

«Бойле вазиетте, яни сиз коалициягъа къошулгъанда, къырымтатар меселелери боюнджа насылдыр бир шартлар къоймадынъызмы Тарасюк, я да премьер-министр огюнде?», деген суальге. М.Джемиль огълу: «Мен, бу акъта Б.Тарасюкке айткъан эдим, амма о буны гъалиба унуткъан. Мен озюм бугунь (16.12) спикер В.Литвинге бу акъта айрыджа мектюп бердим. Анда «Сюргюнге огърагъанларнынъ акъларыны тиклев» боюнджа къанун лейхасыны бакъып чыкъмакъ меселесини анълашувгъа кирсетильмеси теклиф олуна. Литвин энди кеч,анълашув энди имзалангъаны, амма бу теклифлеринъизни шу анълашувгъа къошмагъа арекет этерим», дегенини, къайд этти М.Джемиль огълу.

«Мен коалицион топлашувда да бу акъта айтаджам», деди меджлис реиси. «Бу меселе парламенте бакъыладжагъына умют бармы, деген суальге М.Джемиль огълу бу меселени Ю.Тимошенко да ишандыргъан эди бакъып чыкъмагъа, амма бир шей япылмады. Даа якъында адлие назирлигинден бу къанун лейхасы боюнджа мектюп алдым. Анда Кене де Л.Кучма заманында бу къанун мундериджеси боюнджа къайдлар текрарлана. Мен бу акъта Ю. Тимошенкогъа мектюп азырлайым, чюнки биз башкъаджа келишкен эдик, мектюпте исе башкъа сачма шейлер текрарлана»,деди.

Сиз коалицион анълашувгъа къошулгъан сонъ президент тарафындан бунъа насылдыр мунасебет бильдирильмедими деген суальге: «Ёкъ, тек фракция башы В. Кириленко сиз имзанъыз къаламы деп сорады», деди М.Джемиль огълу.

XS
SM
MD
LG