Accessibility links

пәнҗешәмбе, 8 декабрь 2016, Казан вакыты 12:49

Ğazzä höcümenä 6 kön


Ğazzä – İzrailnen Ğazzä sızığında Xämasqa qarşı alıp barğan xärbi höcümnäre bügen dä däwam itä. Çaralarda xökümät binalarına höcümnär däwam itä, bügen hädäf bularaq parlament binasının cimerelüe xäbär itelde.

İkençe yaqtan Xämas raketa höcümnären tuqtatmıy. Xämas suğışçıları bügen 40 çaqrım yıraqlıqqa höcüm itä alırlıq köçtäge raketalar belän İzrailgä höcüm itte.

BMO iminlek şurası İzrailnen Ğazzädä alıp barğan höcümnären tuqtatu turında xalıqara çaqırılarnı qaraw öçen ğadättän tış cıyın uzdırdı. Läkin cıyında ber näticä bulmadı.

Misır häm Libia, BMOga cibärgän çaqıruda, İzrailnen Ğazzädä çamadan tış köç qullanuın xöküm itärgä çaqırğan ide.

Älege çaqıruda İzrailnen Ğazzädä alıp bargan çaraların tiz arada tuqtatuı sorala ide. Läkin BMO çaqırunın ber taraflı buluı yäğni Xämasga raketa höcümnären tuqtatu turında kisätü belderelmägäne öçen kire qaqtı.

AQŞnıñ BMOdağı daimi wäkile Zalmay Xalilzad, Amerikanın İzrail belän Xämas arasında bargan bäreleşne tuqtatu öçen zur tırışlıq kürsätüen, läkin Xämasnın höcümnärne tuqtatu turında tırışlıq kürsätmäwen äytte.

AQŞ xaqimiäte solıx kileşüe buldıru öçen başta Xämasnın raketa höcümnären tuqtatuın şart dip belderä.

XS
SM
MD
LG