Accessibility links

Кайнар хәбәр

Dönya 2009 yılnı niçek qarşı aldı?


2009 yıl dönyanıñ qayber illäre şatlıq häm zur bäyrämnär belän qarşı alğanda, qayber illärdä yaña yıl matäm belän başlandı.

Waqıt ayırması säbäple bäyräm çaraların berençe bulıp Australia xalqı qotladı. Melbourn häm Sidney şähärlärendä uzdırılğan zur feyrwerk tamaşaga millionlagan keşe qatnaştı.

5 ton feyrwerk qullanılğan tamaşanı 1,5 million keşe qaradı.



► BBC: 2009 Yaña yıl çaraları, dönya buylap

Kürşe il Yaña Zelandta da başqala Aucklandtağı Sky manarasında oyıştrılgan feyrwerk tamaşağa meñlägän xalıq qatnaştı.

Yaña yılga iñ berençe itep kergän il, tıñ okeandağı Krimati utrawı ide.

Sydneydäge feyrwerk tamaşanı oyıştıruçılar, älege tamaşa aşa iqtisadi krizisnı az da bulsa onıttırırğa omtıluların belderde.

Här yılnı yaña yıl bäyrämnären bik tantanalı uzdırğan tıñ okeanı illärennän Maläzyada isä bıyıl xökümät, iqtisadı krizis säbäple yaña yıl çaralarına iğançelek itä almıyaçağın beldergän ide.

Almaniada yaña yıl bäyräme başqala Berlindaä ber millionnan artıq keşeneñ qatnaşında uzğan mäydan partiası belän başlandı. Bäyrämnän soñ tamaşağa qatnaşqan ber törkem xalıq, ğadättägeçä boz totqan Oranke külenä kerep yözde.

Londonda Thames yılgası buylap meñlägän keşe feyrwerk tamaşasına qatnaştı.

Törkiädä här yılnı İstanbulnıñ Taksim mäydanında görläp uzğan yaña yıl bäyräme Ğazzä höcümnärendä ülgän keşelärgä xörmät uñayınnan bıyıl oyıştırılmadı.

Suriädä 2009 yıl matäm belän başlandı.

Suriä başqalası Demaşqta İzrailneñ Ğazzädä alıp barğan höcümnäre säbäple bıyıl zur qotlaw çaraları uzdırılmadı.

XS
SM
MD
LG