Accessibility links

шимбә, 3 декабрь 2016, Казан вакыты 20:49

20 ğinwar Tatarstan prezidentınıñ tuğan köne. Şul uñaydan xalıq teläkläre.

-Bez yuğarı belem alabız. Tüläp uqu bik qimmät. Uqunı arzanraq yasawın telibez.

-Bu krizis waqıtında keçe eşmäkärlekne kütärsen ide.

-Min üzem Qazaqstannan kilgän sportçı. Qazan gel maqtawda häm iğtibar üzägendä buldı. Monda metro da tözelde. Universiadanı ütkärü xoquqın da yawladı. Şuşı yawlanğan biekleklärdän taypılış bulmasın digän teläktä qalasım kilä.

-Sögüd Gäräbstanındağı kebek turistik üzäk itä alsa bik yaxşı bulır ide.

-Sportqa soñğı yıllarda iğtibar arta. Xäzer Qazan bu ölkädä dönyağa da tanıla başladı. Balalarnı, yäşlärne sportqa tartırğa tırışlığın quysa ide. Balalar baqçaların da kübäytergä, bulğannarın kiñäytergä kiräk.

-Şähärebezne tağın da maturlasın, yullarnı kiñäytsen ide. Menä xäzer metro bik uñaylı, cılı häm yaqtı. Barası urınıbızğa waqıtında citäbez.

-Tatar tele däwlät tele bularaq cämğeyättä kiñräk urın alsın ide. Yäşlär öçen küp keşene cälep itärlek tatarça çaralar ütkärelsen ide .

-Eş urınnarı saqlansın häm tärtip bulsın ide. Yuğıysä min student bulsam da eşli idem, ä bügengä eşsez qaldım.

-Xezmät xaqı kütärelsen ide .

-Mäktäplär, balalar baqçaları buşqa bulsın ide. Äle tüläp yörtä torğan balalar baqçasına da balanı kertkändä aldan uq 20 meñ sum aqça birergä kiräk. Annan soñ här ay sayın 3 meñ sum tüläp barası.

Gazetalar da Şäymievkä bitaraf tügel. “Çallı yäşläre” mäzäkläre

Putin belän Şäymiev Çallınıñ Tınıçlıq uramı buylap barğanda, bolarnıñ “Mersedes”ları sikerep-sikerep quya ikän.

Putin: “Miñtimer Şäripoviç, sezneñ neftegez dä bar, nişläp soñ yullarığız cimerek?”, digän.

Şäymiev: “Neft barın-bar ul, tik kükerte küp anıñ”, digän.

Şäymiev “Berdäm Rusiä” partiasenä vznos tülärgä dip Mäskäwgä barğan. Aqça çığarğanda kesäsennän kommunist partbiletı töşkän.

-Bu ni bu!- digän Grızlov.
-Krizis bulğaç, iske käçtümemne kigän idem… iärep kilgän inde menä, digän Şäymiev.

Tatarnı aqıllı millät dip äytälär. Çönki anıñ miye öçäw: baş miye, arqa miye häm Şäymiye bar.

бәйле язмалар

XS
SM
MD
LG