Accessibility links

якшәмбе, 4 декабрь 2016, Казан вакыты 11:13

16 январьда Къырымтатар академик музыкалы-драма театринде Эшреф Шемьи заденинъ «Аслыхан» поэмасы эсасында къоюлгъан «Аслыхан» спектаклининъ премьерасы олып кечти.

Премьера баягъы мувафакъиетли кечти демеге мумкюн.

Театрнинъ директоры Билял Билялов: «Сонъки йылларда къоюлгъан спектакллер арасында «Аслыхан» театримиз ичюн энъ яхшы спектакллерден бириси олып чыкъты», деди.

«Аслыхан»ны саналыштаргъан режиссёр Ринат Бекташев спектакльде символик видеосюжетлер къуллангъаны, оркестрнинъ чалгъыджысы Риза Бекиров махсус спектакль ичюн музыка язгъаны да, сананынъ безетелюви, хусусан дивар ичине къалангъан Аслыханннынъ баласы, ве анасы иле олгъан диалогы залда отургъанларны гъает дуйгъуландыргъан олса керек.



Чокъусы сейирджилернинъкозьлеринден бу акъшам козьяшлары тыгъырып тюшкендир. Аслыхан ролюни иджра эткен яш артистка Мустафаева Элина базы нукъсанлыкъларгъа бакъмадан рольни гъает тесирли, образгъа синъип иджра этти демеге мумкюн.

Бу спектакль 2008 сенеси девамында Э.Шемьи заденинъ 100 йыллыгъына багъышлангъан тедбирлерни екюнледи.

XS
SM
MD
LG