Accessibility links

җомга, 9 декабрь 2016, Казан вакыты 04:51

19 январьда Акъмесджиттеки И.Гаспринский адына Джумхуриет къырымтатар китапханесинде шаир Шакир Селимнинъ хатырасына багъышлангъан тедбир олып кечти.

Мында шаирнинъ омюрюне багъышлангъан левха нумайыш этильди, языджылар Риза Фазыл, Аблязиз Велиев, Урие Эдемова, Закир Къуртнезир, Рустем Муедин, Айше Кокиева, «Голос Крыма» газетасы муаррири Эльдар Сеитбекиров, йырджы Рустем Меметов, Алим Нурие Эмирусеинова, китапхане директоры Айдер Эмиров, къырымтатар театринден Решат Ахтемов, шаирнинъ сой-соплары ве башкъалар чыкъышта булунып онынъ акъкъында хатырлавларнен пайлаштылар.



Китапхане Шакир Селимнинъ фотоларындан, китапларындан азырлагъан гузель бир серги такъдим этти сейирджилерге. Шаирнинъ киеви, къырымтатар театри артисти Мустафа Къуртмоллаев къырымтатар къадынларына багъышлагъан Шакир Селимнинъ «Мердивен» шиирини буюк усталыкънен иджра этти. Эки ай эвельси вефат эткен шаирге багъышланып отькерильген бу тедбир самимий ве насылдыр якъынлыкъ нурларыны сачкъан, муляйим бир муитте кечти. Тедбирде иштирак эткен Шакир Селимнинъ уч къызы Арзы, Ленияр, Лиля, мерасимни тешкиль эткенлерге, кельгенлерге озьлери ве рахметли бабалары адындан миннетдарлыкъ бильдирдилер.

Сёзге чыкъкъан ортанджы къызы Ленияр Селимова: «Мен эминим бу ерде бабам акъкъында айтылгъан бутюн сёзлер онынъ озюне де беян олгъандыр», деди.

Тедбирде шаирнинъ сёзлерине бестекяр Какура тарафындан язылгъан йырларда янъгъырады.

XS
SM
MD
LG