Сербия Европа Берлегенә кушылу турында мөрәҗәгать итмәкче

Сербия Европа Берлегенә кушылу турында бу елның беренче яртысында рәсми рәвештә мөрәҗәгать итәргә җыена.

Бүген Прагада Сербия премьер-министрының Европа Берлеге белән мөнәсәбәтләр өчен җаваплы урынбасары Бозидар Дьелич Сербия әгъзалык мөрәҗәгатен Берлектә Чехия президентлыгы чорында тапшырачак диде.

Дьелич белән сөйләшүләрдән соң Чехия премьер-министр урынбасары Александр Вондра Белградның бу ниятләрен хупласа да, Сербиянең Берлеккә кушылуын елларча көтәргә кирәк булачак диде.