Астанә Дәһлигә уран сатачак

Казакъстан белән Һиндстан атом энергиясе өлкәсендә хезмәттәшлек турында килеште.

Казакъстан президенты Нурсолтан Назарбаевның Дәһли сәфәре барышында имзаланган килешү нигезендә, Астанә Һиндстан атом электр станцияләрен атом ягулыгы белән тәэмин итәчәк.

Казакъстан уран ятмалары белән дөньяда икенче урында тора.

Шулай ук Һиндстанның Каспий диңгезендәге Сатпай нефть ятмаларын үзләштерүдә катнашуы турында да килешү имзаланды.