Британ шурасы Иранда эшен туктата

Иранда Британ илчелегенең мәдәни канаты саналган Британ шурасы эшчәнлеген туктатуын игълан итте.

Шура үз хезмәткәрләренең күпчелеге декабрь аенда сорау алуга чакыртылу һәм аларга эштән китәргә кушылу сәбәпле эшчәнлеген туктатырга мәҗбүр булуын белдерә.

Ираннан китәргә теләгән 2 хезмәткәрнең паспортлары тартып алынган.

Британ шурасының башкарма мөдире Мартин Дэвидсон Иран хакимиятләренең бу гамәлләре "кабул ителмәслек" диде.