Бутюндюнья къырымтатар конгресси 19-22 майыс куню кечеджек

Бутюндюнья къырымтатар конгресси (БККТ) 19-22 майыс куньлери отькериледжеги де бельгиленди. Конгресснинъ ачылыш тедбири Бахчасарайда Хансарайда оладжагъы, Кезлев, Къарасувбазар, Судакъ, Джанкой ве Акъмесджитте конгресснинъ кочьме отурушувлавры кечеджек.

Тешкилий комитетнинъ отурушувында бир сыра меселелер бакъылды. Конгресснинъ ишинде иштирак этмек ичюн истек бильдирген ве анкета толдургъан 124 сиясий-ичтимаий тешкилятнынъ эр бириси 3 делегат ве учь мусафир ёлламагъа акълары оладжагъы бельгиленди.

Мусафирлер джедвелини конгрессни азырлав боюнджа тешкилий комитет тасдикълайджакъ, делегатлар да мусафирлер де ёл масрафларыны озьлери къоруйджакълар.

«Конгресснинъ ишинде 360-370 делегат иштирак этеджеги беклениле», деди отурушувны алып баргъан меджлис реисининъ биринджи муавини Рефат Чубаров. Онъа аит весикъалар энди интернетте ерлештирирльгенини хабер этти ишчи группанынъ азасы Бекир Мамутов. Меджлис реисининъ муавини Ремзи Ильясов конгресс къайсы залда отькериледжеги делегатларнынъ сайысына багълы оладжагъаны къайд этти.

Къырымнынъ биринджи вице-премьери Азиз Абдуллаев хабер эткенине коре конгресснинъ иши синхрон шекильде 4 тильге терджиме этиледжек.

Невбеттеки отурушув мартнынъ башында отькериледжеги планлаштырыла, конгресснинъ кунь тертибине насыл меселелер къоюладжакъ шимдилик белли дегиль.