Пхеньян иярчен очырырга җыенуын белдерә

Төньяк Корея галәмгә иярчен очырырга җыенуын белдерде.

Рәсми Корея үзәк хәбәр агентлыгы белдерүендә, галәмгә элемтә иярченен алып чыгачак ракетаны очыруга тулы әзерлек бара диелә.

Ракетаның кайчан очырылачагы әйтелми.

Күптән түгел Пхеньянның ерак-ара ракета сынавы үткәрергә җыенуы турында хәбәр ителгән иде.

Аналитиклар Төньяк Кореяның элегрәк ракета сынауларын галәм терминологияләре артына яшерергә тырышкан очраклары бар иде, ди.