Accessibility links

шимбә, 10 декабрь 2016, Казан вакыты 11:54

Putinnan Ärmänstanga 500 million dollar yärdäm


Mäskäw - Rusiä premyerı Vladimir Putin, täqdimnen dumada raslanuınnan soñ, Ärmäsntanga 500 million dollar aqça bireläçägen äytte.

Global krizisqa qaramastan Yewrazia häm elekke sovet illärendä üz yogıntısın arttırırga tırışqan Mäskäw, Belarus, Qırğızstan, Üzbäkstan häm Taciqistanga tübän prosentqa burıç birä. Räsmi Kremlnın bu eş öçen, qaznadan 7 milliard dollar aqça bülüe xäbär itelä.

Rusiänen monnan elek Qırğızstanga birgän 2 milliard dollar burıç bäräbärenä, Ganistäge AQŞ xärbi bazasın yaptıruı alga sörelgän ide.

Ärmänstan premyerı Tigran Sarkisyan belän Mäskäwdä oçraşqan Putin, “Ärmänstanğa burıçqa 500 million dollar tämin itü turında kileşü buldırıldı. Dumanın başta monı raslawı şart” dip äytte.

Rusiä belän Ärmänstan arasındagı xezmättäşlek soñgı yıllarda hawa saqlanu alanı buldıru häm atom energia stansiäse tözü kebek ike möhim yünäleştä däwam itä. 5 million dollarga töşäçäk stansianı tözi başlaw öçen Ärmänstan, çit illärgä taqdim yasıy başladı. Proyekt belän Rusiädän qala Fransiä häm AQŞ ta qızıqsına.

XS
SM
MD
LG