Accessibility links

сишәмбе, 6 декабрь 2016, Казан вакыты 23:04

AQŞnıñ yaña däwlät sekretarı Hillary Clinton, zur tawış quptarğan Yaqın könçığış töbäge säyaxäten tämamlap, 7 martta Törkiägä kilä.

1999 yıldan birle berençe tapqır Törkiägä kilergä cıyınuçı Clinton, Äfğanstannan alıp Yaqın Könçığışqa kädär töbäk häm terrorçılıq belän köräşkä qağılışlı "citdi" mäsälälär turında söyläşer dip kötelä.

Törek hawa yulları oçqıçı qazasında altimetr xatalı


25 fevralda Nederlandnıñ Schipol hawa alanına töşkändä, qazağa oçrağan Törkiä oçqıçınıñ, biyeklekne ülçi torğan cihazında xata bulu säbäple qazağa oçrawı açıqlandı.

İstanbuldan Amsterdamğa oçqan oçqıçnıñ qazağa oçrawı näticäsendä 9 keşe ülgän ide.

Hollandiäneñ Oçu iminlek idaräse başlığı Peter van Wollenhoven, hawa bolıtlı bulu säbäple pilotlarğa avto-pilot sistemına küçärgä kiñäş itelgän buluın äytte. Läkin biyeklek ülçi torğan cihaznıñ yalğış kürsätüe näticäsendä, oçqıç kinät tizlegen yuğaltıp cirgä bärelä.

Oçqıç hawada 595 metr bieklektä çaqta, ülçäw cihazı cirgä yaqın oçuın kürsätkän.

Törkiädä cirle saylaw

Törkiädä cirle saylaw kön üzäk mäsälä bulıp tora. İl häm rayon başlıqları häm alarnıñ köndäşläre xalıqnı üzlärenä tartır öçen wäğda itülären däwam itä. Moña bu atnada xalıqara matbuğat ta bitaraf qalmadı.

Britanianeñ The Economist jurnalı, yaqınayıp kilgän cirle saylaw aldınnan Törkiädäge säyäsi wäzğiät turında yazdı. AK partiagä köndäş bulğan Cömhüriätçe xalıq partiase CHPneñ cirle saylaw waqıtında yaña açışlarğa möräcäğät itüen, läkin anıñ bu adımınıñ Erdoğan säyäsätenä, yäisä saylawçılar fikerenä ällä ni üzgäreş kertä almayaçağın alğa sörde.

CHPneñ çarasız xäldä qaluın beldergän Britania jurnalı, Cömhüriätçe xalıq partiası elekke kebek islamçı däwlät, yäisä kördlärneñ ayırılu säyäsäte qurqınıçı turında inde awız tutırıp söyli almıy, dip yaza. Jurnal SNR monıñ urınına ber waqıt üzenä qarşı çıqqan päräncäle xatın-qızlarnı, üzenä tartu yulın sayladı, dip yaza. Bu adımnardan çirattağısı körd-farsı häm törki xalıqlar öçen urtaq bäyräm bulğan Näwrüzne räsmi yal köne bularaq qabul itterü tora.

Törki süzlär iñ küp Kavkazda qullanıla

Törek tele oyışması başlığı professor, doktor Haluk Akalın törki süzlärneñ iñ küp Kavkaz xalıqlarında qullanıluına basım yasap, alar başında Gruzin ärmän häm çärkäslär buluın äytte.

Aqalın bu turıda, törkilärneñ Kavkaz millätläreneñ tel häm mädäniyätenä yasağan yoğıntısın öyränü maqsatında oyıştırılğan cıyında söyläde.

Cıyında ğälimlär şulay uq Gruziädäge bik küp cir atamalarında törki süzlär qullanıluın belderä. Tarixtan bilgele bulğança, Ärmän cirlärendä ber waqıtlar qıpçaq telendä söyläşelgän.

XS
SM
MD
LG