Accessibility links

пәнҗешәмбе, 8 декабрь 2016, Казан вакыты 08:53

Рәсми Уфа "экстремист" сәхифәләрне ачтырмый


Уфа прокуратурасы шәһәрнең интернет белән тәэмин итү ширкәтләренә "экстремистик" эчтәлектәге кайбер сәхифәләргә керүне тыю күрсәтмәсен җибәрде.

"Кара" исемлеккә "Аhmadov.biz", "Чечен-пресс", "Чечен Таймс", "Җамаат Шариат", "Имам-ТВ" һәм "Кавказ Центр" сәхифәләре кергән.

Белгечләр бу сәхифәләрнең эчтәлеге милләтара низагларга чакыра, дигән нәтиҗәгә килгән. Уфаның интернет белән тәэмин итүче 11 ширкәт үз кулланучыларын бу сәхифәләргә керүен тыйды.

Ширкәтләрнең берсе – "Башинформсвязь" үз кулланучыларын "Уфа губернская" сәхифәсендә дә кертми. Моны ул техник сәбәпләр белән аңлата.

"Уфа губернская" сәхифәсе АКШның Аризона штатында теркәлгән, аның хуҗасы билгесез. Сәхифәдә Башкортстан хакимиятләренә карата тәнкыйтьле мәкаләләр басыла.

XS
SM
MD
LG