Accessibility links

якшәмбе, 4 декабрь 2016, Казан вакыты 23:31

Macarstan premyerı wazifadan kitäçägen belderde


Macarstan premyer ministrı Ferenc Gyurcsany, wazifadan kitärgä qarar qıluın belderde.

2004 yıldan birle, xaqimiättä torgan sosialist partiänıñ, gomım cıyınında çıgış yasagan, Ferenc Gyurcsany; üzen - ildä yaña iqtisadi häm sosial reformalarnı başqaruda kirtä bularaq kürüen açıqladı.

Macarstanda xaqimiätkä bulgan ışanıç soñgı aylarda global iqtisadi krizis säbäple şaqtıy kimegän ide. Könçığış Yewropa Berlege illäre arasında iqtisadi krizistan awır zıyan kürgän Macarstan, il iqtisadın torgızu öçen Dönya aqça fondı İMFdän borıçqa dip 25 milliard dollar aqça alğan ide.

Ferenc Gyurcsany Macarstanda 1989 yılda komunizmnın cimerelgännän soñ saylawlarda ike tapqır ciñü yawlap xakimiättäge urının ozın waqıtqa saqlıy algan berençe premyer bularaq il tarixına kerep qalgan ide.

Premyer eştän kitü turındagı täqdimen, düşämbe könne yasıyaçagın belderde.

XS
SM
MD
LG